Dainik Maval News : शिव विद्या प्रतिष्ठान, सन्मान सामाजिक बहुउद्देशीय संस्था आणि एकी महिला अधिकार संघटना यांच्या माध्यामातून इयत्ता दहावी, अकरावी व बारावीतील गुणवंत विद्यार्थ्यांचा गुणगौरव समारंभ आयोजित करण्यात आला होता. कामशेत येथील समाज विकास केंद्रात रविवारी (दि.२४) हा सोहळा संपन्न झाला. याप्रसंगी विद्यार्थी, पालक मोठ्या संख्येने उपस्थित होते.
यावेळी प्रमुख पाहुणे म्हणून भारतीय सैन्यदलातील निवृत्त सुभेदार अनिल उबाळे उपस्थित होते. प्रमख पाहुणे उबाळे यांनी उपस्थित विद्यार्थ्यांना सैन्यदलातील संधी, शारीरिक मेहनत, निर्णय क्षमता व देशसेवेचे महत्व याविषयावर मार्गदर्शन केले. त्यांच्या हस्ते उत्तीर्ण विद्यार्थ्यांचा सत्कार करण्यात आला. कार्यक्रमाच्या अध्यक्षस्थानी ज्येष्ठ पत्रकार शिवानंद कांबळे होते.
संस्था प्रमुख शिल्पा कशेळकर, संतोष वंजारी यांनी संस्थांच्या विविध सामाजिक उपक्रमांबाबत माहिती दिली. तर संस्थेच्या बालपंचायत उपक्रमाची माहिती पंचायत प्रमुख अपेक्षा यादव यांनी दिली. माया वंजारी, रेश्मा गायकवाड, सारिका सोनवणे यांनी कार्यक्रमाच्या यशस्वीतेसाठी विशेष मेहनत घेतली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना नदीचे पाणी पिण्याअयोग्य, बंदिस्त जलवाहिनीबाबत तोडगा काढा ; खासदार श्रीरंग बारणे यांचे मुख्यमंत्र्यांना साकडे
– आमदार सुनील शेळके यांच्या पुढाकारातून बौर, ब्राह्मणवाडी, करूंज येथील प्रस्तावित एमआयडीसी संदर्भात जिल्हाधिकारी कार्यालयात बैठक संपन्न
– वडगाव मावळ येथे इंद्रायणी भात बियाण्याचे वितरण केंद्र सुरू ; शेतकऱ्यांना मिळणार उच्च दर्जाचे बियाणे
