Dainik Maval News : महाराष्ट्र राज्य विधिमंडळाच्या पावसाळी अधिवेशनाला सोमवारपासून (दि. २२ जून) सुरुवात झाली आहे. या दरम्यान, विधानसभा कामकाजासाठी विधानसभा अध्यक्ष ॲड. राहुल नार्वेकर यांनी तालिका अध्यक्षांची नियुक्ती सभागृहात जाहीर केली आहे. यामध्ये मावळचे आमदार सुनील शेळके यांचीही तालिका अध्यक्षपदी नियुक्ती केली आहे.
आमदार शेळके यांच्या समवेत आमदार योगेश सागर, अर्जुन खोतकर, प्रतापराव पाटील-चिखलीकर, कैलास पाटील, हेमंत ओगले, राजू खरे, समीर कुणावार आणि समाधान अवताडे यांचीही विधानसभा तालिका अध्यक्षपदी नियुक्ती करण्यात आल्याचे ॲड. नार्वेकर यांनी जाहीर केले. आमदार सुनील शेळके यांची तालिका अध्यक्षपदी नियुक्ती झाल्याने मावळच्या नेतृत्वाचा राज्यस्तरीय गौरव झाल्याबद्दल तालुकावासीयांमध्ये आनंदाचे वातावरण आहे.
विधानसभा तालिका अध्यक्ष :
विधानसभा तालिका अध्यक्ष हे मूळ विधानसभा अध्यक्ष आणि उपाध्यक्षांच्या गैरहजेरीत सभागृहाचे कामकाज चालवण्यासाठी नियुक्त केलेले सदस्य असतात. त्यांना पीठासीन अधिकाऱ्याचे सर्व अधिकार प्राप्त होतात. अध्यक्ष किंवा उपाध्यक्षांच्या अनुपस्थितीत ते विधानसभेचे कामकाज व्यवस्थित आणि सुरळीतपणे चालवतात. सभागृहात शिस्त आणि शांतता राखण्याची मुख्य जबाबदारी त्यांची असते. नियमबाह्य वर्तन करणाऱ्या सदस्यांवर ते कारवाई करू शकतात. आमदारांना सभागृहात भाषणाची परवानगी देणे आणि चर्चेचा क्रम ठरवण्याचे अधिकार त्यांना असतात. तालिका अध्यक्षांना वेगळे किंवा अतिरिक्त अधिकार नसतात. ते फक्त कामकाज निर्विघ्न सुरू राहावे, यासाठी अध्यक्षांच्या खुर्चीवर बसतात. निर्णयक्षमता, स्थगन, प्रस्ताव मंजूरीचे अधिकार मात्र अध्यक्षांकडेच असतात.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळ तालुक्यातील विकास कामांना गती द्या, पावसाळापूर्व कामे तातडीने पूर्ण करा
– बुलेट ट्रेनने मुंबई-पुणे ४८ मिनिटांत; महाराष्ट्राला जागतिक पुरवठा साखळीचे केंद्र बनवणार -मुख्यमंत्री देवेंद्र फडणवीस
– लोणावळ्यात १ लाख ९३ हजारांचे मेफेड्रॉन जप्त ; एमडी विक्रीसाठी आलेल्या तरुणावर गुन्हा दाखल
– महत्वाची बातमी ! पुणे जिल्ह्यात ७४ सहाय्यक पोलीस निरीक्षक व उपनिरीक्षकांच्या बदल्या जाहीर
