Dainik Maval News : मावळ तालुका सहकारी खरेदी विक्री संघाच्या प्रस्तावित शेतकरी भवन इमारती दिवंगत उपमुख्यमंत्री अजित दादा पवार यांचे नाव देण्याचा ठराव सर्वानुमते मासिक सभेमध्ये मंजूर करण्यात आला असल्याची माहिती सभापती किरण हुलावळे व उपसभापती सुनीता केदारी यांनी दिली.
खरेदी विक्री संघाचे सभापती किरण हुलावळे यांच्या अध्यक्षतेखाली झालेल्या मासिक सभेमध्ये संचालक गणेश विनोदे यांनी अजित दादा पवार यांचे मावळ तालुक्याच्या विकासासाठी असलेले भरीव योगदान तसेच प्रामुख्याने शेतकरी हिताच्या दृष्टीने अखेरपर्यंत घेतलेली भूमिका लक्षात घेऊन प्रस्तावित शेतकरी भवनाच्या इमारतीस स्व.अजित दादा पवार यांचे नाव देण्यात यावे असा प्रस्ताव मांडला. या प्रस्तावाला ज्येष्ठ संचालक भरत येवले यांनी अनुमोदन दिले तर उपस्थित सर्व संचालकांनी सहमती दर्शवली.
यावेळी माजी सभापती शिवाजी असवले, संचालक एकनाथ येवले, माणिक गाडे, ज्ञानेश्वर निंबळे, शहाजी कडू, बाजीराव वाजे, रुपेश घोजगे, रमेश भुरुक, विष्णू घरदाळे, प्रमोद दळवी, मधुकर जगताप, मनीषा आंबेकर, आशा खांडभोर, विष्णू मुऱ्हे, विठ्ठल घारे, सचिव किरण लोहर उपस्थित होते.
आमदार सुनील शेळके यांच्या मार्गदर्शनाखाली तसेच सहकार मंत्री बाबासाहेब पाटील यांच्या विशेष सहकार्याने खरेदी विक्री संघाच्या माध्यमातून कामशेत येथील संस्थेच्या जागेवर सुमारे १५ कोटी रुपये निधीतून सुसज्ज असे शेतकरी भवन उभारण्याचा प्रस्ताव सादर करण्यात आला असून त्यास सहकार मंत्री पाटील यांनीही मान्यता दिली आहे.
दरम्यान, संस्थेच्या माध्यमातून गेले अनेक वर्षापासून बंद असलेला खते व बी बियाणे खरेदी विक्रीचा व्यवसाय सहकार कृषी सेवा केंद्राच्या माध्यमातून पुन्हा सुरू करण्यात आला असून या उपक्रमाला शेतकऱ्यांचाही उत्स्फूर्त प्रतिसाद मिळाला आहे. आगामी काळात संस्थेच्या माध्यमातून पशुखाद्य केंद्र तसेच साखर विक्री केंद्रही सुरू करण्याचा प्रयत्न सुरू असल्याचे सभापती किरण हुलावळे व उपसभापती सुनीता केदारी यांनी सांगितले.
खरेदी विक्री सहकारी संस्थेच्या माध्यमातून बी बियाणे, खत विक्री सह इतर शेती पूरक व्यवसायही सुरू करण्याचा प्रयत्न सुरू आहे तसेच आमदार सूुनील शेळके यांच्या मार्गदर्शनाखाली शेतकरी भवनच्या माध्यमातून मावळ तालुक्यातील शेतकऱ्यांसाठी सुसज्ज अशी हक्काची वास्तू लवकरच उभारण्याचा प्रयत्न सुरू आहे. – किरण हुलावळे, सभापती
अजित दादा पवार यांचे मावळ तालुक्यावर विशेष प्रेम होते, मावळचा आमदार करण्याचे त्यांचे स्वप्न पूर्ण झाल्यानंतर त्यांनी मावळ तालुक्याला भरभरून निधी देऊन आपला शब्द पूर्ण केला. या माध्यमातून मावळ तालुक्याचा गतिमान विकास झाला असून त्यांचे योगदान लक्षात घेता शेतकरी भवनला दादांचे नाव देण्याचा निर्णय घेतला आहे. – गणेश विनोदे, संचालक
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा
– मावळ ग्रामीण भागात राष्ट्रवादी काँग्रेसकडून संघटनात्मक बांधणी ; नवीन पदाधिकारी नियुक्त्या जाहीर
– विद्यार्थ्यांची पायपीट अखेर थांबली ! मावळ तालुक्यातील ५ शाळांतील ५५ विद्यार्थ्यांना सायकलींचे वाटप
– लोणावळ्यातील तुंगार्ली येथील एका बंगल्यात अज्ञात चोरट्याकडून घरफोडी; तीन लाख ५० हजार रुपयांची रोकड लंपास
