पवन मावळ, दि. ९ (प्रतिनिधी) – मावळ तालुक्याच्या ग्रामीण भागातील विद्यार्थ्यांना शिक्षणासाठी प्रोत्साहन मिळावे आणि शाळेत ये-जा करण्याचा त्यांचा प्रवास अधिक सोपा व्हावा, या उद्देशाने सभापती सुनीता मनोज येवले यांच्या पुढाकारातून कॅनरा रोबॅको (Canara Robeco) आणि रोटरी क्लब ऑफ प्राधिकरण पुणे यांच्या संयुक्त विद्यमाने तालुक्यातील ५ शाळांतील ५५ विद्यार्थ्यांना सायकलींचे वाटप करण्यात आले.
पंचक्रोशी हायस्कूल, दारूंब्रे येथे आयोजित या उपक्रमाचा लाभ मावळ परिसरातील एकूण पाच शाळांमधील ५५ विद्यार्थी-विद्यार्थिनींना मिळाला. सायकल मिळाल्यानंतर विद्यार्थ्यांच्या चेहऱ्यावर उमटलेला आनंद आणि उत्साह या कार्यक्रमाचे विशेष आकर्षण ठरले.
यावेळी Canara Robeco चे झोनल हेड गौरव विरमणी, रोटरी क्लब ऑफ प्राधिकरण पुणेचे अध्यक्ष रोटेरियन भूषण ढाके, मा. सरपंच मनोज येवले, रोटरी क्लब ऑफ प्राधिकरण पुणेचे प्रोजेक्ट डायरेक्टर शशिकांत पांडे, रोटेरियन अर्चना पांडे, रोटेरियन भालचंद्र शितोळे, तसेच पाचही शाळांचे मुख्याध्यापक, शिक्षक, पालक आणि विद्यार्थी मोठ्या संख्येने उपस्थित होते.
यावेळी उपस्थित मान्यवरांनी विद्यार्थ्यांना शिक्षणात सातत्य ठेवून आपल्या ध्येयाच्या दिशेने वाटचाल करण्याचे आवाहन केले. “सायकल ही केवळ प्रवासाचे साधन नसून ग्रामीण विद्यार्थ्यांच्या स्वप्नांना गती देणारे माध्यम आहे,” असा संदेश या उपक्रमातून देण्यात आला. Canara Robeco आणि रोटरी क्लब ऑफ प्राधिकरण पुणे यांच्या या सामाजिक उपक्रमाचे पालक, शिक्षक आणि ग्रामस्थांनी कौतुक केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा
– कार्ला फाट्याजवळील वाकसई गावाच्या हद्दीत भीषण अपघात ; भरधाव कार थेट ओढ्यात कोसळली, दोघांचा मृत्यू
– मावळकरांचा लाडका ‘ओम्या’ काळाच्या पडद्याआड ; बैलगाडाशौकीनांमध्ये दुःखाची लाट, ‘भारतकेसरी ओम्या’ बैलाचे निधन
– मावळ तालुक्यातील शासकीय आरोग्य व्यवस्थेचे तातडीने ऑडिट करा ; आरोग्याच्या प्रश्नावर भाजपा आक्रमक
