लोणावळा शहर पोलिस ( Lonavla City Police ) ठाण्याबाहेर अत्यंत गंभीर प्रकार घडल्याची माहिती समोर येत आहे. भांडणाची तक्रार करण्यास गेलेल्या व्यक्तीने अगोदर भांडण झालेल्या व्यक्तीला पोलिस चौकीसमोर आलेले पाहताच चौकीच्या आवारात जाऊन त्याला मारहाण करण्यास सुरुवात केली. यावेळी हा प्रकार थांबवण्यासाठी आणि भांडण सोडवण्यासाठी गेलेल्या पोलिसालाही धक्काबुक्की करण्यात आली. ( Lonavala City Police Constable Beaten )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
लोणावळा शहर पोलिसांत या प्रकरणी फिर्याद दाखल करण्यात आली असून फिर्यादी मयुर काळुराम अबनावे (वय 38, पोलिस नाईक – लोणावळा शहर पोलीस स्टेशन) यांनी आरोपी केतन दिपक फाटक (वय 30, रा. रचना गार्डन लोणावळा) विरोधात फिर्याद दाखल केली आहे. त्यानुसार पोलिसांनी आरोपीविरोधात भारतीय दंड विधान कलम 353, 325, 324 अन्वये गुन्हा दाखल केला आहे. सदर गुन्ह्याचा तपास सपोनि पोवार हे करत आहेत.
प्राप्त माहितीनुसार, दिनांक 26 सप्टेंबर रोजी दुपारी दीड वाजण्याच्या सुमारास लोणावळा शहर पोलीस स्टेशनच्या समोरील आवारात फिर्यादी मयुर अबनावे आणि सचिन सदानंद घोणे यांना लाकडी काठीच्या सहाय्याने इजा पोहोचवण्याचा प्रकार घडला.
अधिक वाचा –
धक्कादायक! लोणावळ्यात 15 वर्षीय मुलाला फुस लावून पळवून नेले, अज्ञाताविरोधात गुन्हा दाखल I Lonavla Crime
सेवा पंधरवडा: लोणावळा शहर पोलिस स्टेशनकडून ‘तक्रार निवारण दिनाचे’ आयोजन, तब्बल ‘इतक्या’ अर्जांचे निवारण
