देहूरोड पोलिस ठाण्याच्या हद्दीत एक धक्कादायक घटना घडली आहे. एका आरोपीला गुन्ह्याच्या तपासात ताब्यात घेण्यासाठी गेलेल्या पोलिस अधिकाऱ्यावर आरोपीने ब्लेडने हल्ला करुन स्वतःही आत्महत्या करण्याचा प्रयत्न केल्याचा गंभीर प्रकार घडलाय. याप्रकरणी फिर्यादी संतोष रामदास काळे (वय 35, व्यवसाय-नोकरी, रा. आराध्या बिल्डींग, देहुगाव, ता हवेली जि पुणे) यांनी देहूरोड पोलिस ठाण्यात फिर्याद दिली आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
त्यानुसार आरोपी जलसिंग राजपुतसिंग दुधानी (वय 35, रा. हल्ली जांभुळगाव, ता मावळ जि पुणे) याच्यावर देहुरोड पोलिस ठाण्यात भारतीय दंड विधान कलम 353, 309, 352, 506 अन्वये गुन्हा दाखल करण्यात आला आहे. दिनांक 21 फेब्रुवारी रोजी सव्वा तीन वाजताच्या सुमारास मुंबई पुणे जुना हायवे रोडवर सेंट्रल चौक देहुरोड इथे हा संपूर्ण प्रकार घडला. ( Accused Attacked Policeman Who Came To Arrest Him And Tried To Commit Suicide Himself Case Registered In Dehu Road Police )
पोलिसांनी दिलेल्या माहितीनुसार, ‘महाळुंगे पोलीस स्टेशन गुन्हा रजि नंबर 19/2023 भादवि कलम 454, 380, 34 या गुन्ह्याच्या तांत्रिक तपासाच्या आधारे आरोपी जलसिंग राजपुतसिंग दुधानी याला ताब्यात घेण्यासाठी पोलिस अधिकारी संतोष रामदास काळे हे सेंट्रल चौक देहुरोड इथे आले होते. तेव्हा काळे यांनी फिर्यादीला पोलीस असल्याचे ओळखपत्र दाखवून कायदेशीर ताब्यात घेत असताना आरोपी जलसिंग याने शासकीय कामामध्ये अडथळा निर्माण करण्यासाठी आणि स्वतःची अटक टाळण्यासाठी जाणीवपूर्वक काळेंच्या अंगावर धावून जात त्यांना धक्का देवून स्वतः जवळील ब्लेड हातामध्ये घेऊन काळेंच्या चेहऱ्यावर मारण्याचा प्रयत्न केला.’
तसेच, “‘मला पकडले तर तुम्हाला दाखवितो, मी आत्महत्या करतो’ असे बोलून स्वतःच्याही हातावर ब्लेडने वार करुन घेतले”, असे फिर्यादीत नमुद आहे. या प्रकारांत आरोपी जलसिंह दुधानी जखमी झाल्याने त्याला पुणे इथे ससून रुग्णालयात एडमिट करण्यात आले आहे. तसेच सदर प्रकरणाचा अधिकचा तपास पोलीस सब इन्सपेक्टर थिटे हे करत आहेत.
अधिक वाचा –
– रस्त्यावर खडी टाकल्यामुळे वाद, 70 वर्षीय वृद्धावर तलवारीने वार करण्याचा प्रयत्न, बेबडओहळ येथील धक्कादायक प्रकार!
– क्षणार्धात होत्याचं नव्हतं झालं! शॉर्ट सर्किटमुळे लागलेल्या आगीत माऊ गावातील गरीब कुटुंबाचा संसार जळून खाक
