Dainik Maval News : महाराष्ट्र नगर परिषद, नगरपंचायत औद्यागिक नगरीत अधिनियम अंतर्गत वडगाव नगरपंचायतीची प्रारूप प्रभागरचना व प्रभाग संख्या निश्चित करण्यात आली आहे. याबाबत काही हरकती, सूचना असल्यास २१ ऑगस्टपर्यंत दाखल कराव्यात, असे आवाहन मुख्याधिकारी डॉ. प्रवीण निकम यांनी केले आहे.
वडगाव नगरपंचायतीचे मुख्याधिकारी डॉ. निकम यांनी शासनाच्या आदेशानुसार प्रारूप प्रभागरचना तयार करून जिल्हाधिकाऱ्यांमार्फत निवडणूक आयोगाकडे मंजुरीसाठी पाठवली होती. निवडणूक आयोगाने मान्यता दिल्यानंतर आज प्रारूप प्रभाग रचनेची प्रसिद्धी करण्यात आली असून, हरकती व सूचना असल्यास दाखल कराव्यात, असे आवाहन करण्यात आले आहे.
प्रसिद्ध केलेल्या प्रारूप प्रभाग रचनेनुसार, वडगाव नगरपंचायत हद्दीत पूर्वीप्रमाणेच १७ प्रभाग असून, रचनेमध्येही फारसा बदल झालेला दिसत नाही. तसेच प्रभागांची व सदस्यांची संख्याही १७ असल्याचे यामुळे निश्चित झाले आहे. हरकती व सूचना दाखल करण्याची मुदत संपल्यानंतर २२ ऑगस्ट ते १ सप्टेंबर या कालावधीत दाखल झालेल्या हरकती व सूचनांवर सुनावणी होणार असून, त्यानंतर पुन्हा जिल्हाधिकाऱ्यांमार्फत निवडणूक आयोगाची परवानगी मिळाल्यावर अंतिम प्रभाग रचना २६ सप्टेंबर रोजी प्रसिद्ध करण्यात येणार आहे.
आरक्षण सोडतीकडे इच्छुकांचे लक्ष –
वडगाव नगरपंचायत स्थापन झाल्यानंतर सन २०१८ मध्ये पहिली निवडणूक झाली. त्या वेळी जशी प्रभागरचना करण्यात आली होती, तशीच प्रभागरचना या वेळी कायम राहिली आहे. त्यामुळे आता फक्त आरक्षण सोडतीकडे इच्छुकांचे लक्ष लागले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– लोणावळा शहरात अतिमुसळधार पाऊस, 24 तासांत विक्रमी 432 मिलिमीटर पावसाची नोंद; आज शाळा, कॉलेजेस बंद । Lonavala Rain
– आनंदाची बातमी ! पवना धरण 100 टक्के भरले, धरणाचे सहाही दरवाजे उघडले, 5720 क्युसेक विसर्ग सुरू । Pawana Dam Updates
– छत्रपती शिवाजी महाराजांच्या किल्ल्यांचा जागतिक वारसास्थळांच्या यादीत समावेश; शिवसेना खासदारांकडून पंतप्रधानांचे आभार
