Dainik Maval News : यशवंतराव चव्हाण मुंबई-पुणे एक्सप्रेस वेवर आज, शनिवारी (दि. 24) भीषण अपघात झाला असून यात जीवितहानी व वित्तहानी मोठ्या प्रमाणात झाली आहे. एक्सप्रेस वेवर दुपारी चारच्या सुमारास किलोमीटर 37 म्हणजे खोपोली फुडमॉलच्या नजीक मुंबई मार्किकेवर हा अपघात झाला. अपघातात दोन महिला ठार झाल्या असून पाच जण जखमी झाले आहेत. सोबत वाहनांचे प्रचंड प्रमाणात नुकसान झाले आहे.
शनिवार असल्याने एक्सप्रेस वेवर वाहनांची संख्या अधिक होती. दरम्यान एक्सप्रेस वेवरील किलोमीटर 37 दरम्यान दुपारी चारच्या सुमारास वाहतूक काही कारणाने थांबली होती, त्याचवेळी पुण्याहून मुंबईच्या दिशेने एक ट्रेलर भरधाव वेगाने आला. त्या ट्रेलरने अगोदर एका इर्टिगा कारला धडक दिली. नंतर सियाझ कार, ह्युंदायी कार आणि बसला जोरदार ठोकर दिली. नंतर एका स्विफ्ट कारला पाठीमागून ठोकर दिली, तेव्हा स्विफ्ट कार समोरील बसला जाऊन धडकली. ही कार बसच्या पाठीमागील केबिनमध्ये घुसली, ज्यामुळे आतील प्रवासी गंभीर जखमी झाले.
- समोर आलेल्या माहितीनुसार, अपघातात स्विफ्ट चालक आणि दोन महिला गंभीर जखमी झाल्या. परंतु कारमधील एक महिला अश्विनी अक्षय हळदणकर (अंदाजे 30) आणि एक सतरा वर्षीय मुलगी श्रेया संतोष अवताडे यांचा जागीच मृत्यू झाला. तर, वसुधा विजय जाधव (रा. कोल्हापूर), सारिका अवताडे (रा. घाटकोपर), सारिका विजय जाधव (9 वर्षे), अविनाश विजय जाधव (3 वर्षे) राहणार कोल्हापूर आणि अक्षय हळदणकर हे सर्व जखमी झाले आहेत.
अपघातामुळे पुण्याहून मुंबईकडे येणारी वाहतूक विस्कळीत झाली होती. घटनेची माहिती मिळताच, महामार्ग पोलीस, आयआरबी यंत्रणा, देवदूत यंत्रणा, खोपोली पोलीस आणि हेल्प फाउंडेशनचे पथक घटनास्थळी दाखल झाले. त्यांनी तातडीने मदत व बचाव कार्य सुरू केले. जखमींना बाहेर काढून रुग्णालयात दाखल केले. यानंतर क्रेनच्या सहाय्याने अपघातग्रस्त वाहने बाजूला करण्यात आली. त्यानंतर महामार्गावरील वाहतूक पुन्हा सुरू करण्यात आली. खोपोली पोलीस ठाणे हद्दीतील ही घटना आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी : तळेगाव-चाकण-शिक्रापूर रस्त्याच्या सुधारणा प्रकल्पाबाबत अधिकृत शासन आदेश जारी । Talegaon Chakan Shikrapur Road
– वडीवळे धरण डावा-उजवा कालवा बंदिस्त करणे आणि आढले-डोणे उपसा जलसिंचन योजनेचा डीपीआर तयार करण्याचे निर्देश । Maval News
– मोठी बातमी : मुंबई-पुणे-हैदराबाद बुलेट ट्रेन प्रकल्प भंडारा डोंगराला भेदून जाणार नाही ; रेल्वे मंत्र्यांचे आश्वासन
