Dainik Maval News : पुणे-मुंबई महामार्गावर वडगाव फाटा येथे वडगाव पोलिसांनी स्थानिक गो रक्षकांच्या मदतीने कारवाई करून पाच वाहनांमध्ये दाटीवाटीने भरून कत्तलीसाठी चालविलेल्या ४७ गायी व २९ वासरांची सुटका केली. या प्रकरणी दहा जणांवर गुन्हा दाखल करण्यात आला असून, त्यांच्याकडून सुमारे ८७ लाख ३० हजार रुपयांचा मुद्देमाल जप्त करण्यात आला आहे. ही कारवाई बुधवारी रात्री करण्यात आली.
महेश साबळे (वय २४), शिवाजी निवडुंगे (वय २४, दोघेही रा. रुपीनगर, तळवडे), पप्पू शेख (वय ३८, रा. मेथवडे, ता.सांगोला, जि. सोलापुर), मगर सूर्यवंशी (वय ३९, रा. आदर्शनगर, मामुर्डी, ता. हवेली, पुणे), दयानंद तारडे (वय २५, रा.समता कॉलनी, वराळे, ता. मावळ), नीतेश उघडे (वय २८, रा. वरवटी, जि. बीड), श्रीकांत गरड (वय ४८), नेताजी लोमटे (वय ३६), पवन लोमटे (वय ४८, तिघेही रा. खेड, जि.धाराशिव) व रामराव देशमुख (वय ५२, रा. घोडकी, ता.वाशी, जि.धाराशिव) अशी याप्रकरणी गुन्हा दाखल झालेल्यांची नावे आहेत.
- वडगावचे पोलिस निरीक्षक कुमार कदम यांनी दिलेल्या माहितीनुसार, बुधवारी रात्री स्थानिक गो रक्षकांकडून माहिती मिळाली की, वडगाव फाटा येथे आरोपी हे पाच टेंपोंमधून सुमारे ४७ गायी व २९ वासरे दाटीवाटीने भरून त्यांना श्वास घेता येणार नाही व हवा लागणार नाही अशा रीतीने रस्सीने बांधून तसेच त्यांच्या चारा पाण्याची व औषधांची कोणतीही व्यवस्था न करता क्रूरपणे कत्तलीसाठी वाहतूक करत आहेत.
यावेळी मोठ्या संख्येने जमलेल्या स्थानिक गोरक्षकांच्या मदतीने ही वाहने व जनावरे ताब्यात घेऊन दहा जणांविरोधात महाराष्ट्र प्राणी रक्षण कायद्याने गुन्हा दाखल करण्यात आला. पोलिस निरीक्षक कुमार कदम यांच्या मार्गदर्शनाखाली पोलिस हवालदार आशिष काळे पुढील तपास करत आहेत. सुटका करण्यात आलेल्या सर्व गायी व वासरे ही नायगाव आणि आर्डव येथील गोशाळेत जमा करण्यात आली आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी : तळेगाव-चाकण-शिक्रापूर रस्त्याच्या सुधारणा प्रकल्पाबाबत अधिकृत शासन आदेश जारी । Talegaon Chakan Shikrapur Road
– वडीवळे धरण डावा-उजवा कालवा बंदिस्त करणे आणि आढले-डोणे उपसा जलसिंचन योजनेचा डीपीआर तयार करण्याचे निर्देश । Maval News
– मोठी बातमी : मुंबई-पुणे-हैदराबाद बुलेट ट्रेन प्रकल्प भंडारा डोंगराला भेदून जाणार नाही ; रेल्वे मंत्र्यांचे आश्वासन
