Dainik Maval News : तळेगाव दाभाडे येथील ईदगाह मैदानावर बकरी ईद (ईद-उल-अजहा) निमित्त मुस्लिम बांधवांनी मोठ्या उत्साहात सामूहिक नमाज अदा केली. यावेळी हजारो मुस्लिम बांधव उपस्थित होते.
सकाळपासूनच मुस्लिम बांधव मोठ्या संख्येने ईदगाह मैदानावर दाखल होत होते. पारंपरिक पांढऱ्या वेशभूषेत उपस्थित नागरिकांनी शांततापूर्ण वातावरणात नमाज अदा केली. नमाजनंतर धर्मगुरूंनी त्याग, मानवता, शांतता आणि बंधुभावाचा संदेश दिला.
यावेळी उपस्थितांनी देशात सुख, समृद्धी आणि शांतता नांदावी यासाठी विशेष प्रार्थना केली. नमाज पूर्ण झाल्यानंतर नागरिकांनी एकमेकांना बकरी ईदच्या शुभेच्छा देत आनंद व्यक्त केला. लहान मुलांपासून ज्येष्ठ नागरिकांपर्यंत सर्वांचा उत्स्फूर्त सहभाग पाहायला मिळाला.
कार्यक्रमाच्या पार्श्वभूमीवर पोलिस प्रशासनाकडून योग्य बंदोबस्त ठेवण्यात आला होता. तसेच स्वयंसेवकांनी वाहतूक व शिस्त व्यवस्थापनाची जबाबदारी प्रभावीपणे पार पाडली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना नदीचे पाणी पिण्याअयोग्य, बंदिस्त जलवाहिनीबाबत तोडगा काढा ; खासदार श्रीरंग बारणे यांचे मुख्यमंत्र्यांना साकडे
– आमदार सुनील शेळके यांच्या पुढाकारातून बौर, ब्राह्मणवाडी, करूंज येथील प्रस्तावित एमआयडीसी संदर्भात जिल्हाधिकारी कार्यालयात बैठक संपन्न
– वडगाव मावळ येथे इंद्रायणी भात बियाण्याचे वितरण केंद्र सुरू ; शेतकऱ्यांना मिळणार उच्च दर्जाचे बियाणे
