Dainik Maval News : दिवड ग्रामपंचायतीकडून सोमवारी (दि. १३ एप्रिल) ग्रामपंचायत कार्यालयात दिव्यांग बांधवांना ५ % निधीचे वाटप करण्यात आले.
दिव्यांग निधी वाटप कार्यक्रम प्रसंगी राष्ट्रवादी काँग्रेस पक्षाचे दिव्यांग सेलचे अध्यक्ष सुभाष शेडगे, महिला अध्यक्षा ज्योती भरत राजिवडे, भाजपाचे दिव्यांग सेलचे अध्यक्ष संतोष राजिवडे, प्रभारी सरपंच जना संदीप सावळे, ग्रामपंचायतीचे सदस्य, पोलीस पाटील आणि अन्य मान्यवर उपस्थित होते. कार्यक्रमाची प्रस्तावना ग्रामसेविका शितल केदार यांनी केली.
ज्या दिव्यांग बांधवांना UDID कार्ड नसेल त्यांना ऑनलाइन फॉर्म भरून हॉस्पिटलमध्ये चेकअप साठी फ्री मध्ये घेऊन जाण्यात येईल. तसेच त्यांचा UDID कार्ड घरपोच देण्यात येईल, असे ज्योती राजिवडे यांनी मनोगतात सांगितले. तसेच ज्या दिव्यांग बांधवांना घरकुल योजना तसेच अजूनही काही शासकीय योजनांची माहिती हवी असल्यास त्यांनी संपर्क साधण्याचे आवाहन केले.
आभार सुभाष शेडगे यांनी मांडले. सामाजिक कार्यकर्ते भरत राजिवडे यांनी कार्यक्रमाला आलेल्या सर्व दिव्यांग बांधवांना तसेच कर्मचारी वर्ग व गावातील वडीलधारी मंडळींना अल्पोपहार देऊन कार्यक्रमाची सांगता करण्यात आली.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना धरणग्रस्तांच्या प्रलंबित मागण्यांसंदर्भात संयुक्त संघटनेने घेतली आमदार सुनील शेळके यांची भेट
– मावळ, मुळशी, हवेलीचा चेहरामोहरा बदलणार ; ‘पीएमआरडीए’कडून 67 कोटींचा विकास आराखडा जाहीर
– जगाच्या नकाशावर गेलेली पुणे ग्रँड टूर सायकल स्पर्धेचा दुसरा हंगाम ; मावळमधील ‘या’ भागात होणार सायकल स्पर्धा
– वडगावात स्व.पै. केशवराव ढोरे प्रतिष्ठान आयोजित सामुदायिक विवाह सोहळा ; सात जोडप्यांचे होणार शुभमंगल सावधान
