मावळ लोकसभा निवडणूकीच्या पार्श्वभूमीवर महाविकास आघाडी आणि इंडिया आघाडीतील सर्व राजकीय पक्ष आणि संघटना यांचे पदाधिकारी व कार्यकर्त्यांची समन्वय बैठक बुधवारी (दिनांक 14 मार्च) पार पडली. श्री क्षेत्र पंचायतन मंदिर, नढाळ चौक, पनवेल कर्जत रोड येथे ही बैठक पार पडली. बैठकीला प्रमुख मार्दगर्शक म्हणून सचिन अहिर हे उपस्थित होते. ‘लोकशाही संपविण्याचा प्रयत्न हुकूमशाही माध्यमातून सुरू आहे. देशाच्या हितासाठी, तसेच गद्दारी करणाऱ्यांना धडा शिकविण्यासाठी सर्व मिळून आपली ताकद पणाला लावू आणि आगामी निवडणुकीत मावळ लोकसभेवर इंडिया आघाडीचा झेंडा फडकवू,’ असे आवाहन सचिन अहिर यांनी यावेळी उपस्थितांना केले. तसेच, मावळ लोकसभेतील इंडिया आघाडीच्या सर्वच पदाधिकारी, कार्यकर्त्यांनी संजोग वाघेरे यांना बहुमतांनी विजयी करण्याचा निश्चय केला.
देश हुकूमशाहीकडे वाटचाल करत असून भाजप सरकार संविधान संपवण्याचे काम करत असल्याचे सांगत सचिन अहिर यांनी आघाडीच्या उमेदवारांना विजयी करण्याचे आवाहन केले. तसेच, ‘मावळ लोकसभेत शिवसेना उद्धव बाळासाहेब ठाकरे पक्षाचा आणि इंडिया आघाडीचा झेंडा फडकवण्यासाठी सज्ज व्हा. जे शिवसेना आणि बाळासाहेब ठाकरे यांचे होऊ शकले नाहीत, ते तुमचे आणि आमचे काय होणार? इंडिया आघाडीचे उमेदवार संजोग वाघरे यांना भरघोस मतांनी निवडून देण्याचे काम आपल्याला करायचे आहे,’ असे आहिर म्हणाले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
मावळ लोकसभेच्या विकासासाठी कटिबद्ध – संजोग वाघेरे
पुणे आणि रायगड अशा दोन भागात विस्तारलेला हा मावळ लोकसभा मतदारसंघ अनेक अर्थाने महत्वाचा आहे. या मतदारसंघात वेगवेगळे प्रश्न आणि वेगवेगळ्या समस्या आहेत. सोबतच्या आपल्या सर्व पदाधिकारी आणि कार्यकर्त्यांना घेऊन या समस्या सोडवण्यासाठी, तसेच मावळ लोकसभा मतदारसंघाचा विकास घडवून आणण्यासाठी मी कटिबद्ध आहे, असे यावेळी संजोग वाघेरे पाटील यांनी म्हटले. ( Maval Lok Sabha Constituency Election India Alliance office bearers meeting at Panvel Sanjog Waghere Will Win )
शिवसेना उद्धव बाळासाहेब ठाकरे पक्षाचे मावळ लोकसभा संघटक संजोग वाघेरे पाटील, शेतकरी कामगार पक्षाचे माजी आमदार बाळासाहेब पाटील, शिवसेना उरणचे माजी आमदार मनोहर भोईर, राष्ट्रवादी काँग्रेस शरदचंद्र पवार पक्षाचे रायगड जिल्ह्याचे प्रभारी प्रशांत पाटील, शिवसेना नेते समन्वयक बबन पाटील, शेतकरी कामगार पक्षाचे प्रितम म्हात्रे, पनवेल शिवसेना जिल्हाप्रमुख शिरीष घरत, श्रीनाथ पाटील, आम आदमी पार्टीचे पनवेल विधानसभा अध्यक्ष शेखर जांभळे, पनवेल समाजवादी पार्टीचे अध्यक्ष नाईक साहेब, काँग्रेसचे पनवेल विधानसभा अध्यक्ष सुदाम पाटील, मावळ लोकसभा समन्वयक (शरदचंद्र पवार गट) सुवर्णा जोशी, भावणा घाणेकर, खालापूरचे माजी नगराध्यक्ष संतोष जंगम यांच्यासह सर्व तालुकाध्यक्ष, जिल्हा परिषद सदस्य, सरपंच आदी यावेळी उपस्थित होते.
मावळ मतदार संघ महाविकास आघाडी च्या पदाधिकाऱ्यांची व कार्यकर्त्यांची विशेष बैठक श्री क्षेत्र पंचायतन मंदिर, नढाळ चौक पनवेल कर्जत रोड येथे संपन्न झाली..???? pic.twitter.com/TEQkGcstrk
— Sachin Ahir (@AhirsachinAhir) March 14, 2024
अधिक वाचा –
– मावळ नागरी सहकारी पतसंस्थेच्या अध्यक्षपदी रजनीगंधा खांडगे, उपाध्यक्षपदी ‘यांची’ निवड । Talegaon Dabhade
– आचारसंहिता लागण्याआधीच आमदार सुनिल शेळकेंनी मावळ तालुक्यासाठी खेचून आणला भरघोस निधी । MLA Sunil Shelke
– लोकसभा निवडणूकीचं बिगुल वाजलं, देशात सात टप्प्यात होणार मतदान, 4 जून रोजी अंतिम मतमोजणी, वाचा A टू Z माहिती
