मावळ लोकसभेचा गुंता महायुतीत काही सुटताना दिसत नाही. सर्वच पक्ष दावेदार आणि एकापेक्षा एक उमेदवार यामुळे महायुतीच्या नेत्यांपुढे मावळ लोकसभेचा तिढा कसा सोडवायचा, हा प्रश्न पडलाय. म्हणूनच अद्याप महायुतीचा याठिकाणचा उमेदवार जाहीर झालेला नसून चर्चांचे सत्र सुरु आहे. महायुतीमध्ये मावळ लोकसभा मतदारसंघ नक्की कोणत्या पक्षाला द्यायचा, यावर चर्चा सुरु असताना, मुख्यमंत्री एकनाथ शिंदे यांनी मुंबईत पदाधिकाऱ्यांची बैठक घेतली. त्यात, ‘मावळची जागा शिवसेनेची आहे, पण आपण महायुती म्हणून निवडणूक लढविणार असून महायुतीचे उमेदवार निवडून आणायचे आहेत,’ असे आवाहन शिंदेंनी सहकाऱ्यांना केले. तसेच जागावाटपाची चर्चा सुरू असून लवकरच उमेदवार जाहीर होतील, असेही सांगितले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
मुंबईत शिवसेना शिंदे गटाची बैठक झाली. यावेळी मुख्यमंत्री एकनाथ शिंदे, मंत्री उदय सामंत, माजी मंत्री रामदास कदम, गजानन कीर्तिकर, भरत गोगावले, मावळचे खासदार श्रीरंग बारणे, जिल्हाप्रमुख बाळासाहेब वाल्हेकर आदी उपस्थित होते. ( Maval Lok Sabha Constituency Mahayuti candidate MP Shrirang Barane CM Eknath Shinde )
लोकसभा निवडणुकीची आचारसंहिता जाहीर झाल्यापासून महायुतीचे ठिकठिकाणचे उमेदवार जाहीर होत आहेत. मात्र पुणे जिल्ह्यातील मावळ लोकसभा मतदारसंघातील जागेवर अद्याप उमेदवार जाहीर झालेला नाही. महायुतीतील भाजप, शिवसेना आणि राष्ट्रवादी काँग्रेस अजित पवार गटाची या जागेवर दावेदारी आहे. सध्या जरी येथे शिवसेनेचे खासदार असले तरीही ह्या जागेवर दावा तिन्ही पक्षांनी केलाय. तसेच उमेदवार बदलण्याचीही मागणी महायुतीतूनच पुढे आलीये. त्यामुळे महायुतीसाठी हा मोठा अडसर बनला आहे. एकीकडे शिरूरमधील शिंदे गटाचे समर्थक माजी खासदार शिवाजीराव आढळराव-पाटील राष्ट्रवादीत प्रवेश करून उमेदवारी घेणार असल्याचे निश्चित झाले आहे. दुसरीकडे मावळमध्ये विद्यमान खासदाराला विरोध आणि अन्य पक्षांची दावेदारी, यामुळे शिंदेंचे टेन्शन वाढले आहे.
अधिक वाचा –
– शिरगाव येथील ‘त्या’ मृत शेतकऱ्याच्या कुटुंबाला महावितरणकडून 4 लाखांची नुकसानभरपाई, आमदार शेळकेंनी आमसभेत दिले होते आदेश
– निवडणूक आचारसंहिता भंगाच्या 63 तक्रारींवर कार्यवाही पूर्ण । Pune News
– महत्वाची बातमी! महाराष्ट्र लोकसेवा आयोगामार्फत 28 एप्रिल आणि 19 मे रोजी होणारी परीक्षा पुढे ढकलली
