Dainik Maval News : बारा वर्षीय मुलीचे नग्नावस्थेतील फोटो व्हायरल करून तिचा विनयभंग करण्यात आला. तसेच, आणखी फोटो व्हायरल करण्याची धमकी देत तिच्यावर लैंगिक अत्याचार करण्यात आला. तळेगाव दाभाडे येथे हा धक्कादायक प्रकार घडला.
या प्रकरणी मुख्य आरोपी म्हणजे पीडितेचा मित्र आणि त्याचा मित्र ज्याने पीडितेचे अश्लिल फोटो व्हायरल केले, या दोघांविरोधात गुन्हा दाखल केला आहे. तसेच त्यांना अटक केली आहे. तर पोलिसांनी या प्रकरणी कॅफे मालकाविरोधात देखील कारवाई केली.
पोलिसांनी दिलेल्या माहितीनुसार, संशयित १७ वर्षीय मुलाने पीडित १२ वर्षीय मुलीसाेबत मैत्री केली. त्यानंतर जानेवारी ते फेब्रुवारी २०२६ दरम्यान अल्पवयीन मुलाने विविध प्रकारे धमकावले. तुझी बदनामी करेल, तुला तोंड दाखवायला जागा ठेवणार नाही, अशी धमकी देऊन पीडितेकडून काही खासगी माहिती आणि फोटो सोशल मीडियावरून मिळवले. त्यानंतर हे फोटो समाजमाध्यमांवर प्रसारित करून पीडितेचा विनयभंग केला.
दरम्यान, पीडित मुलीने अल्पवयीन मुलाला फोटो पाठवले होते. ते फोटो सर्वांना पाठवण्याची धमकी आरोपींनी दिली. त्याआधारे तिला धमकावत तिच्यावर १० आणि १४ मे रोजी जबरदस्ती करून लैंगिक अत्याचार केले. कॅफे चालकाने त्याच्या कॅफेमध्ये अशा प्रकारांसाठी जागा उपलब्ध करून दिल्याचे प्राथमिक तपासात निष्पन्न झाले आहे. त्यामुळे याप्रकरणी कॅफेचालक आणि इतर दोघांच्या विरोधात गुन्हा दाखल केला आहे.
तळेगाव दाभाडे पोलिस ठाण्याचे वरिष्ठ पोलिस निरीक्षक कन्हैया थोरात यांनी सांगितले की, ‘पीडित मुलगी आणि तिची आई पोलिस ठाण्यात तक्रार दाखल करण्यासाठी आली होती. तिच्या मित्रांनी तिचे न्यूड फोटो व्हायरल केल्याप्रकरणी तिने तक्रार केली. त्याप्रकरणी पोलिसांनी गुन्हा दाखल केला. याप्रकरणाचा तपास करताना आणि पीडितेची चौकशी करताना असे निदर्शनास आले की, तळेगावमधील एका कॅफेमध्ये एका मुलाने तिला सोबत नेऊन अत्याचार केला. यासंदर्भात तपास करताना असे निदर्शनास आले की कॅफेमध्ये असा प्रकार चालतो. त्यामुळे कॅफे मालकाला या गुन्ह्यामध्ये अटक करण्यात आली. तर तिच्यावर लैंगिक अत्याचार करणाऱ्या मुलाला आणि त्याच्या मित्रालाही अटक करण्यात आली.’
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– पंचायत समिती शिक्षण विभाग आणि राष्ट्रवादी विद्यार्थी काँग्रेस मावळ तालुका यांच्यावतीने दहावी, बारावीच्या गुणवंत विद्यार्थ्यांचा सन्मान
– पिंपरी-चिंचवडमधील अवैध धंद्यावर कडक कारवाई करा ; खासदार श्रीरंग बारणे यांच्या पोलिसांना सूचना
– भोयरे-सावळा मार्ग बनतोय वेगवान ; सुरक्षिततेसाठी आवश्यक ठिकाणी स्पीड ब्रेकर बसविण्याची मागणी
– जनगणनेच्या कामासाठी जात असताना शिक्षिकेचा रस्ते अपघातात मृत्यू ; मावळमधील हृदयद्रावक घटना
