Dainik Maval News : आमदार सुनिल शेळके यांनी शुक्रवारी (दि.24) वडगाव मावळ शहरात जनसंवाद यात्रेनिमित्त नागरिकांशी संवाद साधत त्यांच्या अडचणी समजून घेतल्या. वडगाव शहरातील मोरया कॉलनी, साई श्रुष्टी, पंचमुखी चौक, केशवनगर, बाजार पेठ, आंबेडकर कॉलनी, माळीनगर, दिग्विजय कॉलनी, संस्कृती सोसायटी, टेल्को कॉलनी, इंद्रायणीनगर, मिलिंदनगर, कातवी गाव याठिकाणी भेट देऊन विकासकामांचा आढावा व इतर प्रश्नांबाबत प्रशासनास सूचना दिल्या.
रस्ते, गटारलाईन, विद्युत व पाण्यासह कचऱ्याच्या प्रश्नाबाबत वडगाव नगरपंचायतीस देखील यावेळी सूचना दिल्या. त्याचप्रमाणे वडगाव शहरातील मोकळ्या जागांचे सर्वे करून तेथे विकासात्मक कोणते प्रकल्प राबविता येईल याबाबत अहवाल तयार करण्याबाबत मुख्याधिकाऱ्यांना आदेश देण्यात आले.
वडगाव शहरातील वाढती गुन्हेगारी व तरुणांमध्ये वाढणाऱ्या व्यसनांच्या प्रमाणाला आळा घालण्यासाठी पोलीस प्रशासनास सूचना दिल्या असुन नागरिकांनी देखील जागरूक राहण्याबाबत आमदार सुनील शेळके यांनी विनंती केली. यावेळी आमदार सुनील शेळके यांच्या समवेत संवाद साधण्यासाठी महिलांनी मोठ्या प्रमाणात गर्दी केली होती.
आमदार शेळके यांनी देखील प्रत्येक व्यक्तीची तक्रार जाणून घेऊन जागेवर त्याचे निरसन करत असल्याने नागरिकांनी समाधान व्यक्त केले. रेशनिंग धान्य, शासकीय योजना, विविध दाखले, रेशनकार्ड या संदर्भातील नागरिकांच्या प्रश्नांबाबत संबंधित अधिकाऱ्यांना शेळके यांनी चांगलाच धारेवर धरले. यावेळी नगरपंचायतीचे सर्व अधिकारी, शहरातील लोकप्रतिनिधी यांसह स्थानिक नागरीक मोठ्या संख्येने उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– तुमच्या जिल्ह्याचे पालकमंत्री कोण? पाहा संपूर्ण यादी – महाराष्ट्रातील सर्व जिल्ह्यांचे पालकमंत्री
– ‘एमएसआयडीसी’कडून तळेगाव-चाकण-शिक्रापूर महामार्गाच्या कामाचा मसुदा सादर, आता निर्णय मुख्यमंत्र्यांच्या कोर्टात
– मावळच्या विकासासाठी कटिबद्ध, जास्तीत जास्त निधी उपलब्ध करून देणार – खासदार श्रीरंग बारणे
