पंतप्रधान नरेंद्र मोदी ( PM Narendra Modi ) यांना जीवे मारण्याची धमकी आल्याने सर्वत्र खळबळ माजली आहे. आज (मंगळवार, 22 नोव्हेंबर) सकाळी मुंबई पोलिसांच्या वाहतूक शाखेच्या क्रमांकावर एक व्हॉटसअप मेसेज आला. या मेसेजमध्ये पंतप्रधान नरेंद्र मोदी यांना जीवे ठार मारण्यात येईल, अशी धमकी देण्यात आली आहे. या मेसेजमुळे एकच खळबळ उडाली. वाहतूक शाखेने तातडीने याबाबत वरिष्ठ पोलिसांना माहिती दिली. तसेच वरळी पोलीस स्टेशनमध्ये याबद्दल तक्रार दाखल करण्यात आली असून हा मेसेज नेमका कुणी पाठवला, याचा शोध घेतला जात आहे. ( Mumbai Police Received Message Threatening To Kill PM Narendra Modi )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
पोलिसांनी दिलेल्या माहितीनुसार, मुंबई पोलिसच्या ट्रॅफिक कंट्रोल मोबाईल क्रमांकावर हा धमकीचा मेसेज आला. कंट्रोल नंबरवर अनेक ऑडिओ क्लिपसही आल्या आहेत. त्यापैकी एका क्लिपमध्ये मोदींना ठार मारण्याचा दावा केला आहे. “डरवर्ल्ड डॉन दाऊद इब्राहिमचे हस्तक देशाचे पंतप्रधान नरेंद्र मोदी यांची हत्या करणार आहेत आणि देश उद्ध्वस्त करण्याचा प्रयत्न करत आहेत,” असे या ऑडिओ क्लिपमध्ये म्हटले आहे. सध्या पोलिस या प्रकरणाचा कसून तपास करत आहेत.
अधिक वाचा –
– छत्रपती शिवाजी महाराजांबद्दल राज्यपाल कोश्यारींचे अवमानकारक विधान; लोणावळ्यात महाविकासआघाडीचे आंदोलन
– तळेगाव दाभाडे नगरपरिषदेकडून मालमत्ता कर वसुलीची धडक मोहीम, थकबाकीदारांना जप्तीचे वॉरंट
