Dainik Maval News : सावित्रीबाई फुले पुणे विद्यापीठ क्रीडा मंडळ, पुणे जिल्हा क्रीडा समिती आणि नूतन महाराष्ट्र अभियांत्रिकी महाविद्यालय यांच्या संयुक्त विद्यमाने आंतरमहाविद्यालयीन पॉवरलिफ्टिंग स्पर्धा नुकतीच नूतन अभियांत्रिकी महाविद्यालयात पार पडली. या स्पर्धेत नूतन महाविद्यालयामधील विद्यार्थ्यांनी भरघोस यश संपादन केले आहे.
स्पर्धेच्या उद्घाटनप्रसंगी पुणे जिल्हा क्रीडा समितीचे अध्यक्ष डॉ. महेंद्र अवघडे, जिल्हा क्रीडा समितीचे सचिव डॉ. उमेशराज पनेरु, नूतन अभियांत्रिकीचे सीईओ डॉ. रामचंद्र जहागिरदार, प्राचार्य डॉ. एस. एन. सपली, प्रबंधक विजय शिर्के, क्रीडा प्रशिक्षक प्रा. राजेंद्र लांडगे आदी मान्यवर उपस्थित होते.
सात वेगवेगळ्या वजनी गटामध्ये ही स्पर्धा घेण्यात आली. यात एकूण १२५ पेक्षा अधिक स्पर्धकांनी आपला सहभाग नोंदविला होता. त्यामध्ये नूतन महाविद्यालयामधील अश्वल्य तावडे विद्यार्थ्याने ९३ किलो वजन गटात द्वितीय क्रमांक प्राप्त केला. तर मुलींच्या ५२ किलो वजनी गटात पुनुगोंडा इशीथा हिने द्वितीय क्रमांक मिळविला. दोन्ही विद्यार्थ्यांची आंतरविभागीय स्पर्धेसाठी निवड करण्यात आली आहे.
सर्व यशस्वी विद्यार्थ्यांचे संस्थचे अध्यक्ष संजय उर्फ बाळा भेगडे, उपाध्यक्ष गणेश खांडगे, सचिव संतोष खांडगे, सहसचिव नंदकुमार शेलार, खजिनदार तसेच नूतन अभियांत्रिकीच्या कार्यकारी समितीचे चेअरमन राजेश म्हस्के, कार्यकारी संचालक डॉ. गिरीश देसाई, सीईओ डॉ. रामचंद्र जहागीरदार, प्राचार्य डॉ. एस.एन. सपली यांनी अभिनंदन केले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळमधील ‘हे’ गाव आहे संत संताजी जगनाडे महाराज यांचे जन्मगाव, जयंती निमित्त जाणून घ्या त्यांचे जीवनकार्य
– तुमच्या आमदाराला दर महिन्याला किती पगार मिळतो ? आमदारांना मिळणारे भत्ते आणि सुविधा वाचून धक्का बसेल
– मावळमधील शिक्षकांनी कोकण विभागाचे शिक्षक आमदार ज्ञानेश्वर म्हात्रेंसमोर मांडल्या समस्या । Maval News
