Dainik Maval News : पवना कृषक सहकारी संस्थेच्या चेअरमन आणि व्हाईस चेअरमन पदासाठी निवडणूक पार पडली. यावेळी चेअरमन पदासाठी धोंडू शिवराम कालेकर आणि भाऊ संतु सावंत यांचे अर्ज दाखल झाले होते. दोन उमेदवारी अर्ज आल्याने निवडणूक घेण्यात आली. यावेळी कालेकर यांना तीन मते तर सावंत यांना नऊ मते मिळाल्याने चेअरमनपदी भाऊ सावंत यांची निवड झाली.
व्हाईस चेअरमन पदासाठी सुशिला रामदास घरदाळे आणि गणपत गोविंद घारे यांचे दोन अर्ज आल्याने या पदासाठी निवडणूक घेण्यात येणार होती. परंतु घरदाळे यांनी नंतर आपला उमेदवारी अर्ज मागे घेतल्याने गणपत घारे यांची व्हाईस चेअरमनपदी बिनविरोध निवड करण्यात आली आहे.
- निवडीवेळी पवना कृषक संस्थेचे सर्व नवनिर्वाचित संचालक मंडळ उपस्थितीत होते. निवडणूक अधिकारी म्हणून राकेश निखारे यांनी, तर सचिव म्हणून सुरेश कालेकर यांनी काम पाहिले. निवडीनंतर चेअरमन, व्हाईस चेअरमन यांचा सर्वांच्या उपस्थितीत सत्कार करण्यात आला. यावेळी माजी सभापती ज्ञानेश्वर दळवी, एकनाथ टिळे, नामदेव पोटफोडे, गुलाबराव म्हाळसकर, चंद्रकांत दहिभाते यांच्यासह अनेक मान्यवर उपस्थित होते.
संचालक मंडळ (13)
सर्वसाधारण मतदारसंघ – 8
1. भाऊ सतू सावंत
2. अनिल भागू तुपे
3. धोंडू शिवराम कालेकर
4. बबन अर्जुन दहिभाते
5. गणपत गोविंद घारे
6. अंकुश तातेराम पडवळ
7. किसन विष्णू घरदाळे
8. राम बारकू नढे
महिला प्रतिनिधी – 2
9. लक्ष्मीबाई किसन आडकर
10. सुशीला रामदास घरदाळे
अनुसूचित जाती जमाती – 1
11. अंकुश ज्ञानदेव सोनवणे
इतर मागासवर्ग – 1
12. शेखर मारुती दळवी)
भटक्या विमुक्त जाती – जमाती विशेष मागास – 1
13. बाळू चिंधू आखाडे
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी ! तळेगाव ते चाकण चार पदरी उन्नत मार्ग आणि समांतर चार पदरी रस्त्याला मंत्रिमंडळाची मंजुरी
– फसवणुकीला माफी नाही..! बनावट पनीर विक्रेत्यांवर आता एफडीएची नजर ; ग्राहकांची फसवणूक करणाऱ्यांचे परवाने रद्द होणार
– चांगला निर्णय ! अपघातग्रस्त रुग्णांसाठी एक लाख रुपयांपर्यंतचे कॅशलेस उपचार
