Dainik Maval News : देहूरोड परिसरात मागील महिन्यात ( दि. २९ एप्रिल रोजी) घडलेल्या भाजपा कार्यकर्ते रमेश रेड्डी यांच्या भीषण हत्या प्रकरणातील चार आरोपींना पोलिसांनी अटक केली असून त्यांची गुन्हा घडलेल्या परिसरातून पोलिसांनी धिंड काढली आहे. या कारवाईमुळे गुन्हेगारांमध्ये दहशत आणि नागरिकांमध्ये पोलिसांबद्दलचा विश्वास वाढवण्याचा प्रयत्न करण्यात आला आहे.
मागील महिन्यात, २९ एप्रिल रोजी देहूरोड परिसरात गोळीबाराचा थरार घडला होता. चार हल्लेखोरांनी रमेश रेड्डी यांच्यावर गोळ्या झाडल्या आणि त्यानंतर कोयत्याने वार करून त्यांची निर्घृण हत्या केली होती. या घटनेमुळे संपूर्ण मावळ परिसर आणि पुणे जिल्ह्यात तसेच राजकीय वर्तुळात खळबळ उडाली होती.
घटनेचे गांभीर्य ओळखून देहूरोड पोलिसांनी तपासाची चक्रे वेगाने फिरवली आणि चार आरोपींना बेड्या ठोकल्या. ज्या भागात आरोपींनी गोळीबार करून दहशत माजवली होती, त्याच भागात पोलिसांनी कडक पोलीस बंदोबस्तात आरोपींना नेले. आरोपींची या परिसरात धिंड काढण्यात आली. हे पाहण्यासाठी नागरिकांनीही गर्दी केली होती.
गुन्हेगारांवर वचक बसविण्यासाठी पोलिसांनी हे पाऊल उचलले असल्याचे बोलले जात आहे. या हत्येमागील नेमका हेतू काय होता, याचा शोध अद्याप पोलीस घेत आहेत. या प्रकरणात आणखी काही धागेदोरे हाती लागण्याची शक्यता वर्तवली जात आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– कामशेत पोलिसांची कारवाई ! एमडी (मेफेड्रोन) तस्करी करणारे २ आरोपी जेरबंद, २५ लाख २० हजारांचा मुद्देमाल जप्त
– संतापजनक घटना ! पोटच्या मुलीवर अत्याचार करणाऱ्या नराधम पित्यावर लोणावळ्यात गुन्हा दाखल
– देहूरोड आयुध निर्माणी फॅक्टरी परिसरात बिबट्याचा वावर… नागरिकांना सतर्कतेचे आवाहन
– राजीनाम्यांची खात्री न करता बरखास्तीचे आदेश… मावळ कृषी उत्पन्न बाजार समितीवरील प्रशासक नियुक्तीला स्थगिती
