राष्ट्रवादीच्या गाव संवाद दौऱ्याला मावळ तालुक्यात सकारात्मक प्रतिसाद; तालुकाध्यक्ष गणेश खांडगे यांचा पुढाकार

वडगाव मावळ : मावळ तालुका राष्ट्रवादी काँग्रेस पक्षाच्या वतीने गावनिहाय संवाद दौरा सुरू आहे. राष्ट्रवादी काँग्रेसचे तालुकाध्य्क्ष गणेश खांडगे यांच्या नेतृत्वाखाली गावोगावी बैठका होऊन गावातील विकास कामे आणि संघटनात्मक कामाचा आढावा या बैठकीतून घेतला जात आहे. पहिल्या टप्प्यात आंदर मावळातील भोयरे येथून या संवाद दौ-याची सुरूवात झाली. ( Positive Response To Maval Taluka NCP Party Village Dialogue Tour )

‘संकल्प दूरदृष्टीचा – सर्वागीण विकासाचा ‘या थीमवर आधारित असलेल्या या दौऱ्याला मोठा प्रतिसाद मिळतोय. पहिल्या दिवशी भोयरे, कशाळ, किवळे, इंगळूण, पारीठेवाडी, कुणे, अनसुटे, माळेगाव खुर्द, पिंपरी, माळेगाव बुद्रुक, सावळा या गावातील पक्ष पदाधिकारी व कार्यकर्ते यांच्याशी राष्ट्रवादीने संवाद साधला. राष्ट्रवादीचे तालुकाध्यक्ष गणेश खांडगे, माजी तालुकाध्यक्ष विठ्ठलराव शिंदे, कार्याध्यक्ष साहेबराव कारके, ग्रामीण ब्लाॅकचे अध्यक्ष संदीप आंद्रे, वरिष्ठ उपाध्यक्ष पंढरीनाथ ढोरे, युवकचे अध्यक्ष किशोर सातकर, महिलाध्यक्षा दिपाली गराडे, ग्रामीण ब्लाॅक अध्यक्षा पुष्पा घोजगे, कृषी उत्पन्न बाजार समितीचे संचालक शिवाजी असवले, प्रवक्ते राज खांडभोर, सरचिटणीस रामदास वाडेकर, आंदर मावळ अध्यक्ष रूपेश घोजगे, युवक अध्यक्ष भारत आडिवळे, जिल्हा उपाध्यक्ष बाबाजी गायकवाड, खरेदी विक्री संघाचे संचालक प्रकाश पवार, माजी उपसरपंच लहू वाडेकर, सरचिटणीस भानुदास जांभुळकर, सचिव सुशांत बालगुडे, मंगेश जाधव, नवनाथ जाधव, शशिकला सातकर, रंजना चिमटे यांच्यासह अन्य कार्यकर्ते व पदाधिकारी या दौऱ्यात सहभागी आहे.

गावोगावी घोंगडी बैठका घेऊन कार्यकर्त्यांशी चर्चा –

कार्यकर्त्यांची ताकद हेच पक्ष संघटनेचे बळ आहे, हे या संवाद दौऱ्यातून दिसून येत आहे. गावपातळीवरील विकास कामांच्या सूचना कार्यकर्ते मनमोकळ्या पणाने मांडीत आहे.सार्वजनिक विकास कामे वैयक्तीक लाभाच्या योजनेच्या सुचना गावपातळीवरील कार्यकर्त्यांनी आग्रहाने मांडलेल्या आहे, त्याचा पाठपुरावा करणार असल्याचे आश्वासन तालुकाध्यक्ष गणेश खांडगे यांनी दिला. या सर्व दौ-याचा आढावा उपमुख्यंमंत्री अजित पवार व आमदार सुनिल शेळके यांना देणार असल्याचे ही खांडगे यांनी सांगितले.

सप्टेंबर महिन्यात टाकवे बुद्रुक, फळणे, माऊ, वडेश्वर, नागाथली, वहानगाव, कुसवली, बोरवली, कांब्रे, डाहुली, कुसूर, खांडी, निळशी, पारवडी, राजपुरी, बेलज, घोणशेत, कचरेवाडी, वाऊंड, साई, नाणोली, नाणे, कोडिवडे या गावांचा दौरा होईल.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
अधिक वाचा –
– म्हाडातर्फे पुणे विभागात 5 हजार 863 सदनिकांसाठी ऑनलाइन अर्ज नोंदणीला सुरूवात, ‘या’ तारखेपर्यंत अर्ज करता येणार
– चैतन्य इंटरनॅशनल स्कूलमध्ये शिक्षक दिन उत्साहात साजरा; विद्यार्थ्यांकडून शिक्षकांना सुखद धक्का
– कांदा उत्पादक शेतकऱ्यांसाठी खुशखबर! राज्य सरकारकडून कांदा अनुदान वितरणाला सुरुवात, थेट खात्यात येणार पैसे