Dainik Maval News : सेंट्रल विद्यापीठ ऑफ हिमाचल प्रदेश या ठिकाणी सुरू असलेल्या राष्ट्रीय विद्यापीठ वेटलिफ्टिंग स्पर्धेत महिला विभागात भारती विद्यापीठ अभिमत विश्वविद्यालयाची विद्यार्थिनी व मावळ तालुक्यातील पवळेवाडी येथील प्रणोती नंबरेने 71 किलो वजन गटांत कांस्यपदक मिळविले.
या स्पर्धेत प्रणोती नंबरेने 71 किलो वजन गटांत सहभागी होताना स्नॅच आणि क्लीन अँड जर्क मिळून एकूण 183 किलो वजन उचलत ब्राँझपदक पटकावले. याआधी झालेल्या अखिल भारतीय आंतरविद्यापीठ स्पर्धेत प्रणोती नंबरेने सुवर्णपदक मिळविले होते.
- संपूर्ण भारतातून ह्या वजनी गटात 32 मुली सहभागी होत्या. अत्यंत चुरशीच्या लढतीत तीने हे पदक मिळवले. पुढे जाऊन आंतरराष्ट्रीय पदक मिळवण्याचे तिचे स्वप्न आहे.
प्रणोती ही भारती विद्यापीठ पुणे मास्टर ऑफ आर्ट्सला शिकत आहे. भारती विद्यापीठ अभियंते विश्वविद्यालयाचे कुलपती प्रा. डॉ. शिवाजीराव कदम, कार्यवाह व भारती विद्यापीठ विश्वविद्यालयाचे प्र-कुलगुरू डॉ. विश्वजीत कदम, कुलगुरू डॉ. विवेक सावजी, डॉ. अस्मिता जगताप, सहकार्यवाह डॉ. के. डी. जाधव, कुलसचिव जी. जयकुमार, क्रीडा संचालक डॉ. नेताजी जाधव, प्राचार्य डॉ. विवेक रणखांबे यांनी प्रणोतीचे अभिनंदन केले आहे.
प्रणोती गेली पाच वर्षापासुन वडगाव मावळ येथील अनिकेत नवघणे यांच्या मार्गदर्शनाखाली वेटलिफ्टिंगचा सराव करत आहे. भारती विद्यापीठ स्पोर्ट डायरेक्टर नेताजी जाधव, अॅड सुनील पटेकर यांचेही मार्गदर्शन लाभले. तिला मिळालेल्या यशामुळे आई रोहिणी पांडुरंग नंबरे, वडील पांडुरंग चंदर नंबरे यांचेही तालुक्यातून कौतुक होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– देहू नगरपंचायतीचा 97 कोटी 99 लाखाचा अर्थसंकल्प सादर, विशेष सभेत अर्थसंकल्प मंजूर । Dehu News
– तळेगाव-चाकण महामार्गाच्या कामाला मंत्रिमंडळाची मंजुरी मिळावी ; कृती समितीचे मुख्यमंत्र्यांना निवेदन । Maval News
– मोठी बातमी ! ‘पीएमआरडीए’चा मोठा निर्णय, आता नऊ तालुक्यांत होणार PMRDA चे कार्यालय, मावळचाही समावेश
