Dainik Maval News : आळंदी- देहू फाटा येथे असलेल्या खासगी वारकरी शिक्षण संस्थेत विद्यार्थ्यावर लैंगिक अत्याचार केल्याची घटना समोर आली आहे. याप्रकरणी दिघी पोलीस ठाण्यात शिक्षक आणि संस्था चालक यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आळंदी – देहू फाटा येथे एक खासगी वारकरी शिक्षण संस्था आहे. 15 वर्षीय अल्पवयीन मुलगा तिथे वारकरी संप्रदायाचे शिक्षण घेतो. तेथील संगीत विषयाचे शिक्षकाने वारंवार मुलाच्या वेगवेगळ्या ठिकाणी स्पर्श केला. याबाबत अल्पवयीन मुलाने संस्था चालकास ही बाब सांगितली पण, त्यांनी याकडे दुर्लक्ष केले.
- पुन्हा तसाच प्रकार घडल्याने अल्पवयीन मुलाने याबाबत दिघी पोलीस ठाण्यात तक्रार दिली. दिघी पोलिसांनी नराधम शिक्षकाविरोधात पोस्को अंतर्गत गुन्हा दाखल केला आहे. संस्था चालकाच्या विरोधात देखील गुन्हा दाखल करण्यात आला आहे. गेल्या काही वर्षांपासून तीर्थक्षेत्र असलेल्या आळंदीत असे गंभीर प्रकार घडत आहेत.
आळंदीतील खासगी शिक्षण संस्था बंद करण्याची ग्रामस्थांची मागणी आहे. जानेवारी महिन्यापासून अत्याचाराचे हे तिसरे प्रकरण आहे. महिला आयोगाच्या अध्यक्षा रूपाली चाकणकर यांनी सुद्धा प्रकरणाला गांभीर्याने घेतले आहे. 48 तासांमध्ये बेकायदा, अनधिकृत खासगी वारकरी संस्था बंद करण्याच्या सूचना त्यांनी दिल्या होत्या. जिल्हाधिकाऱ्यांनी वीस पथके नेमून आळंदीत सर्वेक्षणही केले. मात्र अद्याप किती संस्था बेकायदा, अनधिकृत आहेत हे समोर आले नाही.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– तळेगाव दाभाडे नगरपरिषदेच्या अभ्यासिकेत अभ्यास केलेले चार विद्यार्थी बनले अधिकारी ; मुख्याधिकाऱ्यांनी केला सन्मान । Talegaon Dabhade
– देहू नगरपंचायतीला यात्रा अनुदान कधी मिळणार? नागरिकांच्या मिळकत करातून होतोय कोट्यवधीचा खर्च । Dehu News
– पिंपरी-चिंचवड शहरासाठी मुळशी धरणातील पाणी आरक्षणाची मागणी ; मुख्यमंत्री व जलसंपदा मंत्र्यांना निवेदन
