पंचायत समिती मावळ शिक्षण विभाग यांच्यातर्फे इयत्ता आठवी आणि इयत्ता पाचवीच्या वर्गातील विद्यार्थांच्या प्रगतीसाठी तालुक्यातील शिक्षकांसाठी तालुकास्तरीय शिष्यवृत्ती कार्यशाळा एमआयटी कॉलेज तळेगाव दाभाडे येथे पार पडली. मावळचे गटशिक्षणाधिकारी सुदाम वाळुंज यांच्या मार्गदर्शनाखाली, इ 5 वी व इ 8 वी शिष्यवृत्ती परीक्षा सन 2024-25 मध्ये येणाऱ्या शिष्यवृत्ती परीक्षेची तयारी करून घेणेसाठी वर्षाच्या सुरुवातीला नियोजन करणे गरजेचे आहे, त्या अनुषंगाने तालुकास्तरीय शिष्यवृत्ती कार्यशाळेचे आयोजन करण्यात आले होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
केंद्रप्रमुख निर्मला काळे यांनी कार्यशाळेचे प्रास्तविक केले. तर सुदाम वाळुंज यांनी सर्व शिक्षकांनी आतापासूनच मायक्रो प्लॅनिंग करून अध्यापन करावे. मुलांची काठीण्य पातळी कशी आहे, त्याचा शोध घ्यावा. तसेच लोकसहभाग मिळवण्यासाठी प्रयत्न करा, असे आहवान केले. एमआयटी कॉलेजचे प्राचार्य चौधरी यांनी यावेळी सर्वांना शुभेच्छा दिल्या. ( taluka level scholarship workshop for teachers held at talegaon dabhade through maval panchayat samiti )
पेपर १ व पेपर २ मधील इंग्रजी, मराठी, गणित व बुद्धिमत्ता या विषयासाठी श्रीकांत दळवी, अमित सारडा, रुपाली दळवी,अर्चना गाढवे यांनी तज्ञ मार्गदर्शक म्हणून काम केले. तालुक्यातील 98 जिल्हा परिषद प्राथमिक शाळेतील 104 प्रशिक्षणार्थी शिक्षक उपस्थित होते. विषय साधन व्यक्ती ज्योती लावरे यांनी सुत्रसंचालन व कार्यशाळेचे उत्तम नियोजन केले.
अधिक वाचा –
– मावळ लोकसभा निवडणूक : नामनिर्देशन पत्र दाखल करण्याच्या पहिल्याच दिवशी सुमारे 27 व्यक्तींनी नेले उमेदवारी अर्ज
– चिंचवड आणि पनवेलची जनता ठरवणार ‘मावळ’चा नवा खासदार; दोन्ही मतदारसंघात तब्बल 11 लाख 61 हजार मतदार, वाचा अधिक
– ‘देवाकडे प्रार्थना करतो, ही महायुती टिकून राहावी… पुढच्या 6 महिन्यांनंतर काय होईल ते माहिती नाही’ – आमदार सुनिल शेळके
