Dainik Maval News : मुंबई पुणे द्रुतगती मार्गावर बुधवारी (दि.४) दुपारी साडेबाराच्या सुमारास एक भीषण अपघात झाला. द्रुतगती मार्गावरील मुंबई लेनवर किलोमीटर ३६.५०० दरम्यान अल्टो कार (क्रमांक एमएच ०३ सीबी ४८६०) वरील चालक वसंत सदाशिव सैद (रा. जुईनगर, नवी मुंबई) याचे वाहनावरील नियंत्रण सुटले. त्यामुळे कारने पुढे जाणाऱ्या अज्ञात वाहनाला पाठीमागून ठोकर मारल्याने अपघात झाला.
अपघातामध्ये चालकासह कारमधील चार प्रवासी गंभीर जखमी झाले. त्यांना उपचारासाठी रुग्णवाहिकेद्वारे एमजीएम रुग्णालय कमोठे येथे पाठविण्यात आले. अपघातानंतर काहीवेळ द्रुतगती मार्गावरील वाहतूक खोळंबली होती. मात्र अपघातामधील कार रस्त्याच्या बाजूला करुन वाहतूक सुरळीत करण्यात आली.
अपघातात महामार्ग वाहतूक पोलीस यंत्रणा बोरघाट, खोपोली पोलीस स्टेशनचे अधिकारी आणि कर्मचारी, आयआरबी पेट्रोलिंग, देवदूत टीम, डेल्टा फोर्स, महाराष्ट्र सुरक्षा बल इत्यादी यंत्रणानी मदतकार्य केले. सदर अपघात खोपोली पोलीस स्टेशन हद्दीत झाला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अजित पवार मुख्यमंत्री व्हावेत यासाठी मावळ तालुक्यातील तरुणांचे अनोखे साहस । Ajit Pawar & Sunil Shelke
– ‘सुनिलआण्णांच्या रुपाने मावळ तालुक्याला मंत्रिपद मिळावे’, राष्ट्रवादीचे तालुकाध्यक्ष गणेश खांडगे यांची प्रदेशाध्यक्षांकडे मागणी
– कोणतेही खाते दिले तरीही मी जनतेला न्याय मिळवून देईन – आमदार सुनिल शेळके । MLA Sunil Shelke
