Dainik Maval News : वाहतूक कोंडीच्या समस्येने बेजार झालेल्या कामशेत शहरवासीयांसाठी एक दिलासादायक बातमी आहे. शहरातील रस्त्यांवर होणारी वाहतूक कोंडी सोडविण्यासाठी कामशेत पोलिसांनी दिनांक १ जानेवारीपासून एकेरी वाहतूक पर्याय अवलंबविण्याचे ठरविले असून त्याचे नियोजन जाहीर केले आहे.
कामशेत पोलीस स्टेशनकडून याबाबत कामशेत शहर आणि परिसरातील नागरिक आणि व्यापारी यांना आवाहन करण्यात आले आहे. कामशेत पोलीस स्टेशन हद्दीमध्ये होणारी वाहतूक कोंडी कमी करण्यासाठी दिनांक १ जानेवारी २०२६ वाहतूक नियोजन करण्यात येणार असून सर्वांनी सहकार्य करावे, असे आवाहन कामशेत पोलिसांनी केले आहे.
खालीलप्रमाणे असणार नियोजन :
१) एकेरी वाहतूकमार्ग –
अ) प्रवेश करण्याकरिता – कामशेत शहरात प्रवेश करण्याकरिता पवना चौक ते छत्रपती शिवाजी महाराज चौक या दरम्यान सर्व वाहने प्रवेश करतील दोन्ही (बाहेर पडणेकरिता प्रवेश बंद राहील)
ब) बाहेर पडणेकरिता –
छत्रपती शिवाजी महाराज चौक- कामशेत पोलीस स्टेशन- कामशेत पोलीस स्टेशन पाठीमागील रस्ता- पवना चौक ( पवना चौक ते कामशेत पोलीस स्टेशन पाठीमागील रस्त्यावर फक्त बाहेर जाणाऱ्या वाहनांना प्रवेश राहील)
२) अवजड वाहने मर्यादित वेळेत वाहन बंदी – कामशेत शहरात सकाळी ०८.०० ते ११.३० आणि सांयकाळी १७.००ते २०.३० पर्यंत प्रवेश बंद राहील.
३) नो पार्किंग झोन –
अ) पवना चौक ते छत्रपती शिवाजी महाराज चौक दोन्ही मार्ग
ब) पवना चौक ते मुंबई पुणे मार्गाकडील दोन्ही बाजूला
क) पवना चौक व छत्रपती शिवाजी महाराज चौक
ड) छत्रपती शिवाजी महाराज चौक ते कामशेत पोलीस स्टेशन मार्ग
४) अवजड वाहतूक मार्ग –
मुंबई-पुणे मार्ग कडून पवना चौकात यू टर्न प्रवेश करिता बंद राहील
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मंगरूळ अवैध उत्खनन प्रकरण : निलंबित महसूल अधिकाऱ्यांचे निलंबन रद्द, दहाही अधिकाऱ्यांना मोठा दिलासा
– तळेगावमधील सर्व सोसायट्यांना 31 डिसेंबरपर्यंत नळजोडणीस वॉटर मीटर बसविण्याची सक्ती ; वॉटर मीटरला विरोध केल्यास नळजोड खंडीत होणार
– श्री लोहगड ते श्री भिवगड : मावळ तालुक्यात तब्बल 23 वर्षांनंतर धारातीर्थ गडकोट मोहीम – जाणून घ्या मोहिमेबद्दल
– धक्कादायक ! खोपोलीत नवनिर्वाचित नगरसेविकेच्या पतीला संपवलं ; रस्त्यात गाडी अडवून केला प्राणघातक हल्ला
