भारतीय खेल प्राधिकरणच्या वतीने फॉरेन एक्सपोजर निवड चाचणी उत्तरप्रदेश येथील लखनऊ येथे दिनांक 7 मे रोजी संपन्न झाली. या निवड चाचणीत देशभरातून भारतीय खेल प्राधिकरण सराव केंद्रात सराव करणाऱ्या राज्य व राष्ट्रीय पदक विजेत्या महिला कुस्तीपटूंनी विविध वजन गटात सहभाग नोंदवला होता. या आयोजनातून अंतिमतः 12 महिला कुस्तीपटू निवडण्यात आले. त्यांना पुढील ऍडव्हान्स ट्रेनिंगसाठी युरोपमधील रोमानिया देशात पाठविण्यात येणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अत्यंत अभिमानाची बाब म्हणजे रायगड जिल्ह्यातील खोपोली येथील राष्ट्रीय पदक विजेती खेळाडू कु क्षितिजा पूजा जगदीश मरागजे हिने 50 ते 54 किलो वजनी गटात प्रथम क्रमांक प्राप्त केला आहे. क्षितिजा ही कुस्तीमहर्षी भाऊसाहेब कुंभार कुस्ती संकुल – खोपोली येथे सराव करत असताना खेल प्राधिकरणाच्या SAI कांदिवली – मुंबई येथे सराव केंद्रात तीची निवड झाली होती आणि तेथूनच आता तीची आंतरराष्ट्रीय पातळीवर प्रशिक्षणासाठी निवड झाले. ( Wrestlers Kshitija Maragaje from Raigad selected to send for special training at Romania )
त्यामुळे तीला मार्गदर्शन करणारे प्रशिक्षक राजाराम कुंभार, महाराष्ट्र शासनाचे राज्य कुस्ती मार्गदर्शक संदीप वांजळे, विजय चव्हाण, दिवेश पालांडे, ओमकार निंबळे, रोशनी परदेशी आणि कार्मेल कॉन्व्हेंट खोपोलीच्या प्रिंसिपल लीली पॉल आणि खालापूर तालुका कुस्तीगीर संघटनेचे अध्यक्ष डॉ. सुनील पाटील यांनी तीला शुभेच्छा दिल्या आहेत. छत्रपती क्रीडा पुरस्कार विजेते पै मारुती आडकर, खोपोली शहराचे वरिष्ठ पोलीस निरीक्षक शितल राऊत, खालापूर तालुक्याचे तहसीलदार आयुब तांबोळी, रायगड जिल्हा क्रीडा अधिकारी राजेंद्र आतनूर यांनी क्षितिजाचे विशेष कौतुक केले आहे.
अधिक वाचा –
– वारं फिरलं… आणि एकतर्फी वाटणारी मावळ लोकसभेची निवडणूक अखेर चुरशीची झाली ! Maval Lok Sabha
– ‘नशीब माझं, बारणे मला ओळखायला लागले’, प्रचाराची सांगता करताना संजोग वाघेरे यांची श्रीरंग बारणेंवर खोचक टीका
– ‘ती जबाबदारी माझी..’ मावळ लोकसभा निवडणूकीत प्रचाराच्या अखेरच्या दिवशी आमदार सुनिल शेळकेंचे मतदारांना आवाहन !
