पवन मावळ : आमदार सुनिल शेळके यांच्या माध्यमातून उपलब्ध झालेल्या 60 लाख निधीतून मळवंडे ठुले येथील कोणजाई वस्तीकडे जाणाऱ्या रस्त्यावर साकव पूल बांधणे कामाचा भूमिपूजन समारंभ (दि. 12 जानेवारी) संपन्न झाला. या निधीतून खोल असणाऱ्या ओढ्यावर सुमारे पंचवीस मीटर लांब आणि साडेपाच मीटर रुंद साकव पूल बांधण्यात येणार असून यामुळे या वस्तीवरील नागरिकांचा अनेक वर्षांपासूनचा प्रलंबित प्रश्न सुटणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
दुर्गम व डोंगर पठारावरील असणाऱ्या कोणजाई वस्तीकडे जाण्यासाठी मोठा ओढा ओलांडून नागरिकांना जावे लागत होते. मात्र पावसाळ्यात पाणी वाढल्यावर या वस्तीवरील नागरिकांचा गावाशी संपर्क तुटत होता. सुमारे दोन ते तीन किलोमीटर वळसा घालून शेतांच्या बांधावरुन शाळेतील मुले व ग्रामस्थांना जावे लागत होते. ओढ्याची खोली जास्त असल्याने ग्रामस्थांना अत्यंत धोकादायक पद्धतीने येथून प्रवास करावा लागत असे. ( 60 lakh fund for new Bridge at malwandi thule village maval through mla sunil shelke )
कोणजाई वस्तीकडे जाण्यासाठी पुल बांधावा, अशी मागणी ग्रामस्थांकडून चाळीस वर्षांपासुन होत होती. अखेर ग्रामस्थांची गैरसोय ओळखून आमदार सुनिल शेळके यांनी या पुलासाठी निधी उपलब्ध करुन दिला. त्याबद्दल ग्रामस्थांकडून आमदार शेळके यांचे आभार व्यक्त करण्यात आले. भूमिपूजन प्रसंगी माजी चेअरमन नामदेव ठुले, सरपंच जयश्री राक्षे, उपसरपंच ज्ञानेश्वर ठुले, शाम वर्वे, शिवाजी वर्वे,सुशीला शिंदे, नामदेव राक्षे, ज्ञानेश्वर बेंगुडे, नारायण मालपोटे, अजिंक्य टिळे, योगेश तुपे, योगेश राक्षे, वसंत पवार आदी मान्यवर आणि ग्रामस्थ उपस्थित होते.
अधिक वाचा –
– PM Kisan योजनेचे पैसे मिळाले नाहीत? योजनेचा लाभ मिळवण्यासाठी आजच पूर्ण करा ‘ई-केवायसी’, जाणून घ्या प्रक्रिया
– युवा दिन विशेष : ‘गरजू लेकरांना तिनं दिलाय मदतीचा खंबीर हात’ । Help Welfare Trust Deepali Warule
– मावळ तालुक्यातील महसूल मंडळांची पुनर्रचना, 5 नव्या मंडळांची निर्मिती; तुमचे गाव कोणत्या मंडळात? पाहा संपूर्ण यादी । Maval News
