संसदेत चांगली कामगिरी करणाऱ्या आणि लोकांच्या हितासाठी आवाज उठवणाऱ्या खासदारांचा संसदरत्न पुरस्काराने सन्मान केला जातो. यंदाच्या या पुरस्काराच्या मानकऱ्यांची यादी जाहीर झाली, ज्यात महाराष्ट्रातील पाच खासदारांचा समावेश आहे. त्यात राष्ट्रवादी शरद पवार गटाचे दोन खासदार, शिवसेना शिंदे गटातील दोन खासदार आणि भाजपच्या एका महिला खासदाराचा समावेश आहे. दिल्लीत आज (दि. 17) या पुरस्कारांचे वितरण करण्यात आले. यावेळी राष्ट्रवादी शरद पवार गटाच्या बारामती मतदारसंघाच्या खासदार सुप्रिया सुळे आणि शिवसेना एकनाथ शिंदे गटाचे मावळ मतदारसंघाचे खासदार श्रीरंग बारणे यांना यावेळी संसद उत्कृष्ट महारत्न पुरस्काराने गौरवण्यात आले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
संसदरत्न पुरस्काराचा इतिहास –
प्राईम पॉइंट फाउंडेशन मार्फत हा पुरस्कार दिला जातो. भारताचे माजी राष्ट्रपती ए. पी. जे. अब्दुल कलाम यांच्या आग्रहाखातर प्राइम प्वाइंट फाउंडेशनने हा पुरस्कार सुरू केला. 2010 साली या पुरस्काराचे अब्दुल कलाम यांनी उद्घाटन केले होते. दरवर्षी संसदेत आपल्या कामाची छाप पाडणाऱ्या खासदारांना हा पुरस्कार दिला जातो. यंदा सात जानेवारीला या पुरस्कारांची घोषणा झाली होती. त्यानंतर आज (शनिवार, दि. 17) हे पुरस्कार वितरित करण्यात आले.
संसद रत्न ते संसद उत्कृष्ट महारत्न खासदार श्रीरंग बारणे –
सर्वसामान्यांचे प्रश्न हिरीरीने मांडणारे संघर्षशील व्यक्तिमत्त्व, शिवसेनेचे मावळ लोकसभा मतदारसंघाचे खासदार श्रीरंग उर्फ आप्पा बारणे यांना ‘संसद उत्कृष्ट महारत्न पुरस्कार’ प्रदान करण्यात आला. लोकसभा आणि राज्यसभा यातील कामकाजामध्ये घेतलेला सहभाग, उपस्थित केलेले संवेदनशील प्रश्न, मांडलेले प्रस्ताव, संसदेतील उपस्थिती आणि एकूण कामगिरीबद्दल हा पुरस्कार प्रदान करण्यात आला. श्रीरंग बारणे यांनी महाराष्ट्राच्या सामाजिक, कृषी आणि औद्योगिक विषयासंदर्भात केलेली आजपर्यंतची अनेक भाषणं आणि लोकसभेत पाच वर्षे सातत्यपूर्ण केलेल्या उत्कृष्ट कामगिरीमुळे त्यांना हा पुरस्कार प्रदान करण्यात आला. ( Baramati MP Supriya Sule Maval MP Srirang Barne awarded Parliament Excellence Maharatna )
अधिक वाचा –
– श्रीरंग आप्पा बारणे सोशल फाउंडेशनकडून कर्तृत्ववान व्यक्ती, संस्थांचा गौरव; ‘रामकृष्ण मोरे यांच्या स्मृती आप्पा बारणे यांनी ताज्या ठेवल्या’
– स्वातंत्र्यानंतर पहिल्यांदाच कुणे नामा येथील कातकरी व ठाकर समाजातील 68 नागरिकांना मिळाले जात प्रमाणपत्र । Maval News
– तब्बल 7 तास चालली मावळ तालुक्याची ‘आमसभा’, आमदार शेळकेंच्या उपस्थितीत शेकडो नागरिकांच्या समस्यांची ऑन दी स्पॉट सोडवणूक
