लोकसभा निवडणूकीचा निकाल जाहीर झाला आहे. मावळ लोकसभा मतदारसंघात महायुतीचे उमेदवार श्रीरंग बारणे हे विजयी झालेत. श्रीरंग बारणे यांच्या ऐतिहासिक विजयानंतर मावळ तालुक्यात वडगाव आणि तळेगाव दाभाडे शहरात भाजपाने जल्लोष केला. तसेच भाजपा कार्यकर्त्यांनी फटाके फोडून आणि पेढे वाटून आनंदोत्सव साजरा केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
श्रीरंग आप्पा बारणे तिसऱ्यांदा खासदारपदी बहुमताने विजयी झाल्याबद्दल तळेगाव दाभाडे शहर भारतीय जनता पार्टीच्या वतीने मिठाई वाटप करून पदाधिकारी कार्यकर्त्यांसह विजयी जल्लोष साजरा करण्यात आला. तर, वडगाव शहरात पोटोबा महाराज मंदिरासमोर भाजपा कार्यकर्त्यांनी फटाके फोडून पेढे वाटप केले. तसेच आप्पा बारणे यांच्या विजयाच्या घोषणा देण्यात आल्या. ( Maval Lok Sabha Result Mahayuti activists celebrate victory of Shrirang Barne in Vadgaon and Talegaon City )
यावेळी मावळ भाजपा निवडणुक प्रमुख रविंद्र भेगडे, तळेगाव भाजपा अध्यक्ष अशोक दाभाडे, माजी सभापती गुलाबराव म्हाळसकर, चंदशेखर भोसले, राजाभाऊ जांभुळकर, उमाकांत कुलकर्णी, रंजनीताई ठाकुर, सुधाकर ढोरे, वडगाव भाजपा अध्यक्ष संभाजी म्हाळसकर आणि भाजपाचे अन्य पदाधिकारी, तसेच महायुतीचे कार्यकर्ते उपस्थित होते.
अधिक वाचा –
– मावळात श्रीरंग बारणेंना मिळालेल्या आघाडीपेक्षा न मिळालेल्या मताधिक्याची चर्चा ! भाजपा की राष्ट्रवादी, नक्की कुणामुळे मतं घटली?
– कौतूकास्पद ! तळेगाव नगरपरिषदेकडून एकाच दिवशी तब्बल 200 झाडांची लागवड, जागतिक पर्यावरण दिनी राबवला उपक्रम । Talegaon Dabhade
– वडगाव नगरपंचायतीकडून ओढे-नाले यांची साफसफाई, पर्यावरण दिनाचे औचित्य साधून वृक्षारोपण । Vadgaon Maval