पुणे जिल्हा मध्यवर्ती सहकारी बँकेकडून मावळ विभागातील 12 शाखांतर्गत यावर्षी खरीप हंगामासाठी 45 कोटी 66 लक्ष 70 हजार रूपये कर्ज वाटप करण्यात आले असल्याची माहिती पुणे जिल्हा मध्यवर्ती सहकारी बँकेचे संचालक, सहकार महर्षी माऊली दाभाडे यांनी दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मावळ तालुक्यात 55 विविध कार्यकारी सेवा संस्था मार्फत शेतकऱ्यांना पीक कर्जाचे वितरण होत असते चालू वर्षी खरीप हंगामामध्ये 2024-25 साठी पुणे जिल्हा मध्यवर्ती सहकारी बँक मावळ विभागात 12 शाखांतर्गत 55 विविध कार्यकारी सेवा संस्थेमार्फत 5504 सभासदांना 45 कोटी 66 लाख 70 हजार रुपये इतके कर्ज वितरण करण्यात आले आहे, असे पुणे जिल्हा मध्यवर्ती सहकारी बँकेचे मावळचे विभागीय अधिकारी गुलाबराव खांदवे यांनी सांगितले.
31 मार्चपूर्वी कर्ज भरल्यास 0 टक्के व्याज –
मावळ तालुक्यात खरीप भातपीक व इतर खरीप पिकासाठी पीक कर्ज वाटप करण्यात आले. सदरच्या पीक कर्जाची परतफेड शेतकऱ्यांनी 31 मार्च अखेर पूर्वी भरावयाचे आहे. 31 मार्च पूर्वी कर्ज भरल्यास सभासदांना 0 टक्के व्याजदराचा लाभ मिळेल. तरी तालुक्यातील जास्तीत जास्त सभासदांनी कर्जाचा लाभ घ्यावा असे पुणे जिल्हा मध्यवर्ती सहकारी बँकेचे संचालक माऊली दाभाडे यांनी सांगितले.
हेही वाचा – मावळ मतदारसंघातील विजयात महायुतीचे कार्यकर्ते आणि शिवसैनिकांचा मोठा वाटा – खासदार श्रीरंग बारणे
30 सप्टेंबरपर्यंत खरीप हंगामाचे वाटप –
दिनांक 1 एप्रिल पासून कर्जवाटप सुरू झाले असून बहुतांशी शेतकऱ्यांनी कर्ज घेऊन भात बियाणे, त्यासाठी लागणारी खते,औषधे खरेदी करून ठेवली आहेत, असे सचिव संघटनेचे अध्यक्ष गणपत भानुसघरे व संजय ढोरे यांनी सांगितले. ( PDCC Bank disburses loan of 45 crores 66 lakhs for Kharif season in Maval said Mauli Dabhade )
अधिक वाचा –
– मावळ मतदारसंघातील विजयात महायुतीचे कार्यकर्ते आणि शिवसैनिकांचा मोठा वाटा – खासदार श्रीरंग बारणे । Maval Lok Sabha
– महिलांना रोजगार आणि आर्थिक लाभासाठी बचत गटांकडून शाळेचे गणवेश शिलाई करून घेण्याचा निर्णय
– कार्ला येथे शाळेच्या पहिल्याच दिवशी विद्यार्थ्यांचे वाजत गाजत स्वागत, गावातून काढली वृक्ष दिंडी । Karla News
