Lonavala News : लोणावळा शहर हद्दीत इंद्रायणी नदीची मोठ्या प्रमाणावर दुरवस्था झाली आहे. त्यामुळे प्रशासनाने याकडे तातडीने लक्ष देऊन नदीची दुरवस्था दूर करावी, अशा मागणीचे निवेदन लोणावळा शहर राष्ट्रवादी काँग्रेस शरद पवार पक्षाच्या वतीने पालिकेला देण्यात आले आहे. सांस्कृतिक व भक्तीभाव जोपासणारी इंद्रायणी नदी आजमितीस प्रदूषणाच्या विळख्यात जखडलेली दिसून येत आहे. नदी पात्रालगत असणारे नागरी वस्त्यांमधील मैलामिश्रीत पाणी या पात्रात सोडण्यात आलेले आहे. त्यामुळे नदीचे पावित्र्य भंग झाले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
आधुनिक – विकसित तंत्रज्ञानाचा वापर करुन सदरचे मैलामिश्रीत पाण्यावर प्रक्रिया करणे शक्य आहे. त्याचप्रमाणे वितरण नलिका टाकून नगरपरिषदेच्या डोंगरगाव येथील मैलाशुध्दीकरण केंद्र या ठिकाणी सदरचे मैला मिश्रीतपाणी संकलित करुन प्रक्रिया करणे शक्य आहे. महाराष्ट्र शासनाकडून तसेच प्रदूषण नियंत्रण मंडळाकडून वेळोवेळी इंद्रायणी नदी पात्र स्वच्छतेबाबत दिशानिर्देश झाले असताना देखील नगरपरिषदेकडून वरील प्रकल्प पूर्ण क्षमतेने कार्यान्वित केला जात नाही, असा आरोप करण्यात आला आहे. ( NCP Sharad Pawar group Letter to Lonavla Nagar Parishad regarding cleaning of Indrayani river )
नगरपरिषदेने नदी स्वच्छतेच्या कामाला प्राथमिकता देऊन किमान आगामी सार्वजनिक गणेशोत्सवापूर्वी लोणावळा नगरपरिषद हद्दीमधील इंद्रायणी नदी पात्रात नागरी वस्तीचे मैलामिश्रीत पाणी येणार नाही, याकरिता ठोस उपाय योजना कराव्यात आणि नागरीकांच्या धार्मीक भावना जपाव्यात अशी विनंती राष्ट्रवादी कडून करण्यात आली आहे. लोणावळा नगरपरिषदेचे उपमुख्याधिकारी शरद कुलकर्णी यांनी वरील निवेदन स्वीकारले. यावेळी राष्ट्रवादी काँग्रेस शरद पवार पक्षाचे शहराध्यक्ष, प्रांतिक सदस्य, प्रदेश उपाध्यक्ष तसेच अन्य पदाधिकारी आणि कार्यकर्ते उपस्थित होते.
अधिक वाचा –
– भारत हा जगातील सर्वात जास्त मांजर पालन करणारा देश – साकीब पठाण । Khopoli News
– मावळ मतदारसंघातील विजयात महायुतीचे कार्यकर्ते आणि शिवसैनिकांचा मोठा वाटा – खासदार श्रीरंग बारणे । Maval Lok Sabha
– महिलांना रोजगार आणि आर्थिक लाभासाठी बचत गटांकडून शाळेचे गणवेश शिलाई करून घेण्याचा निर्णय
