Horrible Accident at Vadgaon Maval : वडगाव मावळ शहराजवळ जुन्या मुंबई-पुणे महामार्गावर मातोश्री हॉस्पिटल येथे आज (दि. 19) सकाळी भीषण अपघात झाला. महामार्गालवर अचानक वळण घेणाऱ्या स्कूल बसला वाचवताना एक भरधाव कंटेनर अनियंत्रित झाला आणि जवळील स्टॉपवर घुसला. यात एक महिला जागेवरच ठार झाली असून काही मुले गंभीर जखमी झाली आहेत, तर अनेक वाहनांचे नुकसान झाले आहे. वडगाव मावळ पोलिसांनी तातडीने घटनास्थळी धाव घेऊन परिस्थिती नियंत्रणात आणत वाहतूक सुरळीत केली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वडगाव टेल्को कॉलनीकडे जाणाऱ्या ठिकाणी हा अपघात झाला, मातोश्री हॉस्पिटल येथील स्टॉपवर सकाळी अनेक पालक मुलांना स्कूलबसमध्ये सोडवण्यासाठी येत असतात. त्याप्रमाणे आज सकाळी पालक तिथे होते. त्यावेळी स्कूलबसने सवयीने तिथे अचानक थांबा घेतला. त्यावेळी पाठीमागून आलेला कंटेनर मात्र अनियंत्रित झाला आणि स्कूल बसला वाचवण्याच्या प्रयत्नात तो दुकानात घुसला. यावेळी तिथे असणाऱ्या दुचाकी आणि चार चाकीला त्याची धडक बसली. संपूर्ण अपघातात एक महिला जागेवरच ठार झाली असून तीन ते चार बालके जखमी झाल्याची प्राथमिक माहिती आहे. अपघातात मृत आणि जखमी झालेल्यांची नावे अद्याप समजू शकलेली नाहीत. ( Breaking News Horrible accident at Vadgaon Maval container rammed into shop woman killed )
अपघातानंतर त्या ठिकाणी नागरिकांची मोठी गर्दी झाली होता. अपघातात स्कूल बस वाल्याने अचानक स्पीडमध्ये थांबने, कंटेनर चालकाचेही स्पीड असणे अशा अनेक गोष्टी अपघाताला कारणीभूत असल्याचे स्थानिकांनी सांगितले. सोबतच याठिकाणी रस्ता ओलांडताना नागरिकांना जीव मुठीत घेऊन रस्ता ओलांडावा लागतो. त्याबाबत चांगली सुविधा प्रशासन अद्याप करत नाही. येथे स्पीड कमी करण्यासाठी केलेल्या उपाययोजना याही तकलादू असल्याचे आता अपघातामुळे स्पष्ट झाले आहे.
अधिक वाचा –
– पंढरीची वारी ठरणार ‘आरोग्यवारी’ ! पालखी मार्गावर मिळणार आरोग्य विषयक सेवा-सुविधा, वाचा सविस्तर
– ‘जिल्हा मध्यवर्ती सहकारी बँकांना आर्थिकदृष्ट्या सक्षम करण्यासाठी राज्य सरकार प्रयत्नशील’ – सहकारमंत्री दिलीप वळसे-पाटील
– ‘लोकसभेच्या मतदानाचा सकारात्मक विचार करून विधानसभेच्या तयारीला लागूया’, पनवेल येथे खासदार बारणेंचा जंगी सत्कार
