Dainik Maval News : पुणे – मुंबई महामार्गावर शिरगाव फाटा येथे सोमवारी (दि. 25) दुपारी साडेबारा वाजताच्या सुमारास रस्त्याच्या बाजूला पोत्यामध्ये एका महिलेचा मृतदेह आढळून आला आहे. या घटनेने एकच खळबळ उडाली आहे. या महिलेची ओळख अद्याप पटलेली नसल्याची माहिती तळेगाव दाभाडे पोलिसांनी दिली.
सोमवारी दुपारी साडेबारा वाजताच्या सुमारास तळेगाव दाभाडे पोलीस ठाण्याच्या हद्‌दीत मुंबई पुणे एक्स्प्रेस वे सोमाटणे गाव एक्झिट पासून 100 मीटर अंतरावर एका महिलेचा मृतदेह आढळून आला. सदर मयत महिलेची ओळख पटलेली नाही. तिचे वय अंदाजे 30 ते 40 वर्ष आहे. तिने अंगात लाल रंगाचा पायजमा आणि ठिपक्याचा कुर्ता असा वेष परिधान केला आहे.
सदर महिलेबाबत कोणाला माहिती असल्यास त्यांनी वरिष्ठ पोलीस निरीक्षक प्रदीप रायनावर (९८२१२७६३९२), उपनिरीक्षक विलास गोसावी (९८२३०९५२७०) किंवा उपनिरीक्षक मुकेश मोहारे (७९७२३३६२७०) यांच्याशी संपर्क साधावा, असे आवाहन तळेगाव दाभाडे पोलिसांनी केले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– विधानसभा निवडणुकीचा निकाल जाहीर : राज्यातील ‘हे’ 5 निकाल ठरले सर्वात धक्कादायक, अजूनही विश्वास बसेना
– भाजपाने लढवल्या 148 जागा, निवडून आल्या 132 जागा ; एका क्लिकवर पाहा भाजपाने लढवलेल्या प्रत्येक मतदारसंघाचा निकाल
– अंतिम निकाल जाहीर : महाराष्ट्रात कोणत्या पक्षाला किती जागा मिळाल्या, पाहा सर्व 14 पक्षांची आकडेवारी । Maharashtra Assembly Election Final Result
