Dainik Maval News : नुकत्याच झालेल्या विधानसभा निवडणुकीत विद्यमान आमदार सुनील शेळके यांनी विक्रमी मताधिक्य मिळवित सलग दुसऱ्यांदा आमदारकीच्या निवडणूकीत बाजी मारली. याचवेळी भोर-राजगड-मुळशी विधानसभेत देखील मोठी घडामोड पाहायला मिळाली.
भोर मतदारसंघात काँग्रेसचे दिग्गज आमदार संग्राम थोपटे यांना पराभूत करीत मुळशी तालुक्यातील नेते शंकरभाऊ मांडेकर यांनी विजयी पताका फडकावली. सध्या आमदार शेळके आणि आमदार मांडेकर या दोन्ही नेत्यांचे राज्यभर कौतूक होत आहे. अशात शंकर मांडेकर यांनी आमदार शेळके यांची सदिच्छा भेट घेतली आहे.
भोर-राजगड-मुळशी विधानसभेचे नवनिर्वाचित आमदार शंकरभाऊ मांडेकर यांनी गुरुवारी ९दि.28) आमदार सुनील शेळके यांची त्यांच्या तळेगाव दाभाडे येथील निवासस्थानी सदिच्छा भेट घेतली. यावेळी शेळकेंनी महाविजयाबद्दल त्यांचे अभिनंदन करत शुभेच्छा दिल्या.
आमदारपदी झालेली निवड हे तुमच्या मेहनतीचं फळ आहे. आदरणीय दादांनी दाखविलेला विश्वास आपण नक्कीच सार्थ ठरवाल. मुळशी आणि मावळचं नातं हे आपुलकीचं आहे. दोन्ही मतदारसंघामध्ये समन्वय ठेवून प्रगतीची नवी दिशा ठरविण्यासाठी आपले नेहमीच सहकार्य राहील ही आशा आहे, असे शेळके यावेळी म्हणाले.
तसेच या मतदारसंघाचा विकासाचा बॅकलॉग महायुतीच्या काळात नक्कीच भरुन निघेल, असा आशावाद आमदार सुनिल शेळके यांनी व्यक्त केला.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– आमदार शेळकेंना मंत्रिमंडळात काम करण्याची संधी द्यावी ; मावळातील राष्ट्रवादीच्या पदाधिकाऱ्यांची अजितदादांकडे मागणी
– चार वाहनांमधून तब्बल 95 जनावरांची वाहतूक, दहा जणांवर गुन्हा दाखल, उर्से टोलनाक्याजवळील घटना । Maval News
– मावळात सर्वदूर थंडीची लाट… ग्रामीण भागात सर्वाधिक गारठा । Maval News
