Dainik Maval News : वडगाव नगरपंचायत सन २०२५/२०२६ मधील उत्पन्नाच्या ५ % अपंग कल्याण निधी अंतर्गत नगरपंचायत मध्ये सन २०२५ मध्ये नोंदणी केलेल्या १०३ लाभार्यांना सोमवारी (दि. ३० मार्टच) नगरपंचायत कार्यालयात प्रातिनिधिक स्वरूपात प्रत्येकी ६२६० रुपयांचा धनादेश नगराध्यक्षा अबोली मयूर ढोरे यांच्या हस्ते देण्यात आला.
यावेळी सर्व नगरसेवक, नगरसेविका आणि वडगाव नगरपंचायतीचे अधिकारी, कर्मचारी आणि लाभार्थी दिव्यांग नागरिक उपस्थित होते. नगराध्यक्षा अबोली ढोरे यांच्या विशेष प्रयत्नाने अपंग कल्याण योजनेतून शहरातील जवळपास १०३ दिव्यांग लाभार्थ्यांना प्रत्येकी ६२६० रुपये याप्रमाणे सुमारे ६ लाख ४४ हजार रुपये सर्वांच्या बँक खात्यात जमा करण्यात आले.
यावेळी दिव्यांग लाभार्थी यांना संबोधित करताना नगराध्यक्षा अबोली मयुर ढोरे यांनी आवाहन केले की, आपल्या शहरातील जवळपास राहणारे जे कोणी दिव्यांग बांधव असतील त्यांनी येणाऱ्या कालावधीत वडगाव नगरपंचायत कार्यालयात संपर्क साधून या योजनेअंतर्गत आवश्यक असणाऱ्या कागदपत्रांची पूर्तता करावी व संबधित लाभार्थी यांनी या योजनेचा लाभ घ्यावा असे आवाहन केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव मावळ येथे ३९.३३ कोटींच्या पाणीपुरवठा योजनेचा शुभारंभ ; आमदार सुनील शेळके यांच्या पुढाकारातून शहरवासीयांना दिलासा
– लोणावळ्यात एक रूपयासाठी तुफान राडा ! पेट्रोल पंपाच्या कार्यालयाची तोडफोड आणि कर्मचाऱ्यांना मारहाण ; 7 जणांसह अज्ञातांवर गुन्हा दाखल
– शेतकरी मित्रांनो, तुमचे बँक खाते तपासा ! मुख्यमंत्री व दोन्ही उपमुख्यमंत्र्यांच्या हस्ते शेतकरी महासन्मान निधी योजनेच्या आठव्या हप्त्याचे वितरण
