Dainik Maval News : वडगाव मावळ (ता. मावळ) परिसरात गुप्त कारवाई करत श्रीरामपूर पोलिसांनी (जि. अहिल्यानगर) अवैध सोनोग्राफी मशीन प्रकरणाचा पर्दाफाश केल्यानंतर संपूर्ण मावळ तालुक्यात खळबळ उडाली आहे. यामुळे मावळ तालुक्यात पुन्हा बेकायदा गर्भलिंग तपासणीचे मोठे रॅकेट सक्रीय असल्याचा संशय अधिक गडद झाला आहे.
मावळमध्ये अनेक वर्षांपासून गर्भलिंग तपासणीसाठी काही जणांनी गुप्तपणे सोनोग्राफी केंद्र सुरू केल्याची चर्चा आहे. त्यासाठी प्रत्येकी ३० ते ३५ हजार रुपये घेतले जात असल्याचीही चर्चा आहे. तसेच तपासणीसाठी येणाऱ्यांसाठी स्वतंत्र वाहन व्यवस्था असल्याचे बोलले जाते. मात्र या प्रकाराची माहिती स्थानिक पोलीस प्रशासन व आरोग्य विभागाला का नसावी? असा प्रश्न उपस्थित होत आहे.
वडगाव येथे अवैध सोनोग्राफी केंद्र सुरू असून ती मशिन या भागातून विकली होती. ही माहिती मिळाल्यानंतर आम्ही गुप्त पद्धतीने छापा टाकला. आतापर्यंत पिंपरी निर्मळ (ता. राहता) येथील बेकायदा गर्भलिंग तपासणी प्रकरणात आतापर्यंत १६ जणांना अटक केली असून, त्यात पाच डॉक्टरांचा समावेश आहे, अशी प्रतिक्रिया अप्पर पोलीस अधीक्षक (श्रीरामपूर, जि. अहिल्यानगर) सोमनाथ वाघचौरे यांनी दिली.
डॉक्टर नसूनही करीत होता चाचणी?
वडगावात ज्या एजंटकडून ही मशीन जप्त करण्यात आली तो डॉक्टर नाही तरी देखील या पद्धतीच्या चाचण्या करत होता, अशी माहिती मिळत आहे. सूत्रांच्या माहितीनुसार, या रॅकेटची माहिती मावळातील काही खासगी हॉस्पिटल संचालकांनाही होती. मात्र आर्थिक हितसंबंधांच्या जाळ्यात कुणीही उघडपणे बोलण्याची हिंमत दाखवत नव्हते, अशी दबक्या आवाजात चर्चा आहे. दरम्यान, श्रीरामपूर पोलीस वडगावात धडक देणार असल्याची माहिती स्थानिक पोलिसांना आधीपासून का मिळाली नाही? हाही प्रश्न उपस्थित आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मतदार याद्यांच्या विशेष सखोल पुनरिक्षण कार्यक्रम (SIR) अनुषंगाने वडगाव मावळ येथे प्रशिक्षण शिबिर संपन्न
– मावळमधील महत्वाच्या विकासकामांबाबत आमदार सुनील शेळके यांच्या पुढाकारातून पीएमआरडीए कार्यालयात विशेष बैठक संपन्न
– पुणे जिल्ह्याच्या विकासाला गती ; जिल्हा वार्षिक योजनेसाठी १४७२ कोटींची तरतूद, गतवर्षीपेक्षा ९३ कोटींची वाढ
– पालकांनो, पाल्याचा शाळेत प्रवेश घेण्यापूर्वी ही बातमी वाचा ! पुणे जिल्हा परिषदेकडून जिल्ह्यातील ४५ अनधिकृत शाळांची यादी जाहीर
