Dainik Maval News : मागील काही दिवसांपासून मावळ तालुका, पुणे जिल्हा सह राज्यातील अनेक भागात मान्सूनपूर्व अवकाळी पावसाच्या सरी कोसळत आहेत. तसेच खासा मान्सून देखील लवकर डेरेदाखल होण्याचा अंदाज आहे. त्यामुळे आता शेतकऱ्यांनी खरिपाची तयारी सुरू केली आहे. सध्या मावळ तालुक्यात शेतीच्या मशागतीची कामे लगबगीने सुरू असल्याचे चित्र दिसत आहे.
पावसाळा तोंडावर असल्याने शेतकऱ्यांनी राब भाजायची (रानवा पेटवायची) कामे सुरू केली आहे. शेतीची साफसफाई करणे, शेणखत पांगवणे, नांगरणी करणे अशी विविध कामे मावळच्या अनेक भागात शेतकऱ्यांकडून होताना दिसत आहेत.
मावळ तालुका हा भाताचे कोठार म्हणून ओळखला जातो. त्यामुळे तालुक्यातील अधिकाधिक शेतकरी भाताची लागवड करतात. त्यामुळे पेरणीसाठी पारंपारिक पद्धतीने शेताची भाजणी करून पेरणीसाठी शेत तयार करणे, किंवा आता अलीकडे गादी वाफ्यावर रोपवाटिका तयार करणे अथवा एसआरटी अशा इतर पद्धतीनेही भाताची लागवड केली जात असल्याने शेतकरी त्यानुसार शेतीच्या मशागतीच्या कामात गुंतल्याचे दिसत आहे.
काही भागात खरीप हंगामासाठी व आडसाली ऊस पिकाच्या लागणीसाठी जोरदार शेती मशागतीची कामे सुरू झाली आहेत. शेतकरी ट्रॅक्टरने आपल्या शेतीची नांगरट करताना दिसत आहेत. सोबतच शेणखत, पोल्ट्री खत व सेंद्रीय खतांची मात्रा जमिनीत देत असल्याचे चित्र पाहायला मिळत आहे.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– पवना नदीचे पाणी पिण्याअयोग्य, बंदिस्त जलवाहिनीबाबत तोडगा काढा ; खासदार श्रीरंग बारणे यांचे मुख्यमंत्र्यांना साकडे
– आमदार सुनील शेळके यांच्या पुढाकारातून बौर, ब्राह्मणवाडी, करूंज येथील प्रस्तावित एमआयडीसी संदर्भात जिल्हाधिकारी कार्यालयात बैठक संपन्न
– वडगाव मावळ येथे इंद्रायणी भात बियाण्याचे वितरण केंद्र सुरू ; शेतकऱ्यांना मिळणार उच्च दर्जाचे बियाणे
