Dainik Maval News : तळेगाव-चाकण रोडवर माळवाडी येथे मोकळ्या जागेत बसविण्यात आलेल्या आरओ वॉटर फिल्टरची तोडफोड करून त्यातील नाण्यांची चोरी केल्याची घटना उघडकीस आली आहे.
याप्रकरणी ऋषिकेश मसु साखरे (वय ३१, रा. माळवाडी डेपो रोड, ता. मावळ) यांनी तळेगाव एमआयडीसी पोलीस ठाण्यात फिर्याद दिली आहे. त्यानुसार दिव्येश सुभाष नगरकर (वय २५, रा. मनोहरनगर, तळेगाव दाभाडे) याच्याविरुद्ध गुन्हा नोंद करण्यात आला असून त्याला अटक करण्यात आली आहे.
पोलिसांनी दिलेल्या माहितीनुसार, ७ जून रोजी सकाळी ११ वाजल्यानंतर ते ९ जून रोजी सकाळी ८ वाजेपर्यंतच्या कालावधीत माळवाडी येथील शिंदे हॉटेलसमोर मोकळ्या जागेत बसविण्यात आलेल्या आरओ वॉटर फिल्टरमधील कॉईन बॉक्स फोडून त्यातील सुमारे १० हजार रुपयांच्या नाण्यांची चोरी केली.
तसेच फिल्टरची तोडफोड करून नुकसान केल्याचे फिर्यादीत नमूद करण्यात आले आहे. पोलिसांनी तपासादरम्यान आरोपीचा शोध घेत त्याला अटक केली असून पुढील तपास सुरू आहे.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– Pawana Dam Update : पवना धरणातील पाणीसाठ्यात झपाट्याने घट; केवळ २१ टक्के पाणीसाठा शिल्लक
– पुणे ग्रामीण पोलीस दलात मोठी खांदेपालट ; ३० पोलीस निरीक्षकांच्या बदल्या जाहीर
– तळेगाव एमआयडीसीमध्ये भीषण दुर्घटना! नवलाख उंब्रे जवळील कंपनीत गॅस गळतीमुळे दोन कामगारांचा मृत्यू, तिघांची प्रकृती गंभीर
– मावळातील औद्योगिक पट्ट्याला मिळणार मोठी चालना; तळेगाव परिसरात नवीन रेल्वे मालधक्का उभारण्याचे नियोजन
