Dainik Maval News : मावळ तालुक्यातील अनेक खेडी, उद्योगधंदे आणि पिंपरी-चिंचवड महानगराला पाणीपुरवठा करणारा पवन मावळातील पवना धरणातील पाणीसाठा झपाट्याने कमी होत आहे. प्रचंड उष्णतेमुळे धरणातील पाण्याचे मोठ्या प्रमाणात बाष्पीभवण होत आहे.
प्रचंड उष्णतेमुळे बाष्पीभवन होऊन पवना धरणातील पाणीसाठा वेगाने घटत आहे. धरणात बुधवारी (दि. १० जून) सकाळी सहा वाजता घेतलेल्या नोंदीनुसार केवळ २१.८२ टक्के इतकाच पाणीसाठा शिल्लक आहे. गतवर्षी मे अखेरीस पाऊस सुरू झाल्याने आजच्या तारखेला गतवर्षी २६.८१ टक्के पाणीसाठा होता. परंतु यंदा अन निनो चा प्रभाव आणि लांबलेला पाऊस यामुळे धरणातील पाणीसाठा झपाट्याने घटत असून संभाव्य पाणीटंचाईचे संकट घोंगावू लागले आहे.
पिंपरी-चिंचवडला दररोज ५५० एमएलडी पाणी
पिंपरी-चिंचवड शहरासह नगरपालिका, ग्रामपंचायत तसेच, एमआयडीसीला वर्षभर पवना धरणातून पाणी दिले जाते. महापालिका पवना धरणातून सोडलेले पाणी पवना नदीवरील रावेत येथील बंधार येथून अशुद्ध जलउपसा केंद्रात उचलले जाते. दररोत 550 एमएलडी अशुद्ध पाणी उपसा करून ते प्राधिकरण, निगडी येथील सेक्टर क्रमांक 23 येथील जलशुद्धीकरण केंद्रात पाठवले जाते. तेथे शुद्धीकरण प्रक्रिया करून संपूर्ण शहराला पिण्याचे पाणी पुरवले जाते. तसेच, आंद्रा पाणी योजनेतून निघोजे बंधारा येथून दररोज 90 एमएलडी पाणी उचलून चिखली जलशुद्धीकरण केंद्राकडे पाठवले जाते. तेथे पाण्यावर प्रक्रिया करून ते पाणी त्या परिसराला पुरवले जाते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– प्रस्तावित बऊर-करुंज-ब्राह्मणवाडी एमआयडीसी प्रकल्प : स्थानिक ग्रामस्थांचा विरोधी सूर कायम
– खासदार श्रीरंग बारणे : बारा वर्षात लोकसभेतील चर्चेत सर्वाधिक सहभाग ; ३६ खासगी विधेयके सादर, ९६ टक्के उपस्थिती
– आषाढी वारीसाठी जगद्गुरू संत तुकाराम महाराज पालखी सोहळ्याचे वेळापत्रक जाहीर ; ७ जुलैला होणार पंढरपूरकडे प्रस्थान
– तळेगाव दाभाडे येथे अल्पवयीन मुलीचा विनयभंग, फोटो व्हायरल करण्याची धमकी देत अत्याचार, तिघांविरुद्ध गुन्हा दाखल
