मुंबई-पुणे द्रुतगती मार्गावर ताजे गावच्या हद्दीत ट्रक चालकांना मारहाण करून दरोडा टाकणाऱ्या टोळीला 24 तासात जेरबंद करण्यात पोलिसांना यश आले आहे. कामशेत पोलिसांनी केलेल्या या कारवाईदरम्यान एकूण 4 जणांना अटक केली आहे. तसेच, आरोपींकडून 1 लाख 35 हजार रुपये किमतीचे एकूण 14 मोबाईल फोन आणि रोख रक्कम हस्तगत केली आहे. ( Kamshet Police Arrested Gang That Committed Robbery On Mumbai Pune Expressway )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
याप्रकरणी अनिल तुकाराम वाघमारे (वय 20), नवनाथ संतोष वाघमारे (वय 20), अनिल बारकू वाघमारे (वय 22), नवनाथ तुकाराम वाघमारे (वय 20, सर्व रा. मुंढावरे ता. मावळ, जि.पुणे) यांना अटक केली आहे. त्यांची चौकशी केली असता मिळालेल्या माहितीवरून त्यांचे साथीदार मुस्तफा आणि दत्ता पवार, मंग्या (पुर्ण नाव पत्ता माहीत नाही, सर्वजण रा. भाजगाव, ता. कर्जत, जि.रायगड) यांच्यावर गुन्हा दाखल करण्यात आला आहे.
अधिक वाचा –
– तळेगाव दाभाडेतील दुर्गामाता मंदिरात चोरी, अवघ्या 30 सेकंदात दानपेटी घेऊन चोरटे पसार, घटना सीसीटीव्हीत कैद
– अरेच्चा, असं कसं झालं? वडगाव दुय्यम निबंधक कार्यालयातूनच मूळ दस्त गायब, गुन्हा दाखल