श्री आई एकविरा बिगर दुकानदार कृती समिती, वेहेरगाव ग्रामस्थ यांच्यावतीने गुरुवारी (5 जानेवारी) वेहेरगाव येथे आंदोलन करण्यात आले. श्री आई एकविरा देवी पायथा मंदिर येथील वनविभागाच्या हद्दीतील जागेत सर्व वेहेरगाव ग्रामस्थांना समान न्याय हक्क पातळीवर दुकाने / गाळे वाटप झालेच पाहिजे, या मागणीसाठी ग्रामस्थांनी आंदोलन केले. ( Protest of Vehergaon Villagers at Ekvira Devi Paytha Temple )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
वेहेरगावामधील महिला आणि तरुण वर्ग तसेच ग्रामस्थ यावेळी मोठ्या प्रमाणावर उपस्थित होते. एकविरा पायथा मंदिराजवळ दुकाने मिळावी आणि महिला व मुलांना रोजगार उपलब्ध व्हावा, यासाठी अनेक वेळा प्रशासनाला पत्रव्यवहार करूनही न्याय न मिळाल्याने अखेर ग्रामस्थांनी आंदोलनाचा मार्ग पत्करला. तसेच सायली बोत्रे यांना त्यांच्या मागण्यांचे निवेदन सादर केले. प्रशासनाला योग्य तो पाठपुरावा करून 135 कुटुंबातील महिला आणि तरुणांना रोजगार व त्यांना दुकाने मिळवून देण्याकरिता प्रयत्न करणार असल्याचे आश्वासन यावेळी बोत्रे यांनी दिले.
अधिक वाचा –
– शाकंभरी पौर्णिमा । शाकंभरी देवीला भाज्यांचा नैवद्य का दाखवतात? काय आहे शाकंभरी देवीची कहाणी? जाणून घ्या
– कामशेत पोलिसांची लई भारी कामगिरी! द्रुतगती मार्गावर दरोडा टाकणाऱ्या टोळीच्या 24 तासात मुसक्या आवळल्या, वाचा संपूर्ण प्रकरण
– तळेगाव दाभाडेतील दुर्गामाता मंदिरात चोरी, अवघ्या 30 सेकंदात दानपेटी घेऊन चोरटे पसार, घटना सीसीटीव्हीत कैद
