Dainik Maval News : नुकत्याच झालेल्या विधानसभा निवडणुकीत मावळ विधानसभा मतदारसंघातून विद्यमान आमदार सुनिल शेळके यांनी दणदणीत विजय संपादन केला. सुनिल शेळके यांनी विरोधी उमेदवारांचा लाखाहून अधिकच्या मतांच्या फरकाने पराभव करीत सलग दुसऱ्यांदा मावळची आमदारकी जिंकली. शेळके यांच्या या विक्रमी विजयीबद्दल सध्या त्यांच्यावर कौतुकाचा वर्षाव होत आहे.
मावळ विधानसभा मतदारसंघातील कानाकोपऱ्यातून नागरिक सध्या आमदार सुनिल शेळके यांचे अभिनंदन आणि कौतुक करण्यासाठी तळेगाव दाभाडे येथील शेळकेंच्या निवासस्थानी येत आहेत. येणाऱ्या नागरिकांमध्ये सर्वच वयोगटातील नागरिक असून महिला वर्गाचा यात लक्षणीय सहभाग दिसून येत आहे.
राज्याच्या नव्या सरकारचा शपथविधी काही दिवस लांबल्याने सुनिल शेळके हे सध्या आपल्या मतदारसंघात आहेत. नुकत्याच निवडणुका पूर्ण झाल्याने थोडासा मोकळा वेळ असल्याने ते नागरिकांच्या गाठीभेट घेत आहेत. यावेळी भेटीसाठी येणारे नागरिक शेळकेंचा सत्कार सन्मान करीत असून आमदार शेळके आता मंत्रि व्हावेत, अशी अपेक्षा व्यक्त करित आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– आमदार शेळकेंना मंत्रिमंडळात काम करण्याची संधी द्यावी ; मावळातील राष्ट्रवादीच्या पदाधिकाऱ्यांची अजितदादांकडे मागणी
– चार वाहनांमधून तब्बल 95 जनावरांची वाहतूक, दहा जणांवर गुन्हा दाखल, उर्से टोलनाक्याजवळील घटना । Maval News
– मावळात सर्वदूर थंडीची लाट… ग्रामीण भागात सर्वाधिक गारठा । Maval News
