मावळ तालुक्यातून एक धक्कादायक घटना समोर आली आहे. मावळ तालुक्यातील चांदखेड इथे ओढ्यामध्ये भरधाव वेगात असणारी कार कोसळली. ज्यात कारमध्ये असणाऱ्या एका व्यक्तीचा जागेवर मृत्यू झाला आहे. ती व्यक्ती डॉक्टर असल्याची माहिती समोर आली आहे. या घटनेने एकच खळबळ उडाली आहे. डॉ. सत्यजित अर्जुनराव नवाडे (वय 42) असे मृत्यू झालेल्या डॉक्टरचे नाव असून रविवारी मध्यरात्री हा अपघात झाला असल्याची माहिती समोर आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मावळ तालुक्यातील नेरे दत्तवाडी येथे डॉ. सत्यजित नवाडे यांचे हॉस्पिटल आहे. सर्व काम उरकल्यानंतर डॉक्टर चांडखेड येथून कारने बाहेर जात होते. मध्यरात्र असल्याने रस्त्यावर कोणतीही रहादारी नव्हती. त्यामुळे गाडी वेगात होती. मात्र, काही अंतर गेल्यावर चांदखेड गावाजवळ आल्यानंतर ओढ्यात गाडीवरील नियंत्रण सुटल्याने गाडी शेजारी असलेल्या ओढ्यात कोसळली. गाडीचा आवाज झाल्याने स्थानिक नागरिकांनी घटनास्थळी धाव घेतली आणि पोलिसांना याबाबत कळवले. ( Doctor Died After Speeding Car Fell Into Stream In Maval Taluka Pune )
त्यानंतर, पोलिस आणि वन्यजीव रक्षक मावळ संस्था, शिवदुर्ग मित्र लोणावळा, आपदा मित्र मावळ संस्थेचे निलेश गराडे, अजय मुन्हे, अनिश गराडे, कृष्णा गायकवाड, प्रतीक थोरवे, शुभम काकडे, विनय सावंत, विकी दौंडकर, गणेश ढोरे, शिरगाव पोलिस आणि स्थानिक नागरिक घटनास्थळी दाखल झाले. सर्वांनी अथक प्रयत्नानंतर ट्रॅक्टरच्या सहाय्याने कार बाहेर काढण्यात आली. कारमध्ये डॉ. सत्यजित नवाडे अडकले होते. त्यांना बाहेर काढून रुग्णालयात दाखल केले. मात्र, त्यापूर्वीच त्यांचा मृत्यू झाल्याचे डॉक्टरांनी घोषित केले. त्यांच्या जाण्याने नवाडे कुटुंबीयांवर दुःखाचा डोंगर कोसळला आहे.
अधिक वाचा –
– कुणाला घरकूल मिळणार? कुठे होणार नवीन रस्ता? टाकवे ग्रामपंचायतीची मंगळवारी ग्रामसभा
– श्री चिंचेचा चिंतामणी गणपती मंदिर वर्धापन दिनानिमित्त वडगाव शहरात विविध कार्यक्रम
– तुमच्या नावावर किती सीम कार्ड? अवघ्या एका मिनिटात घ्या जाणून, ‘असं’ करा चेक…
