Dainik Maval News : शाळांना उन्हाळी सुट्टी असल्याने शहरातील लहान मुलांचा कल खेळण्याकडे आहे. त्यामुळे शहरातील सर्व उद्याने सुसज्ज व स्वच्छ ठेवावीत, अशी मागणी भाजपाचे पक्षप्रतोद, नगरसेवक अनंता कुडे यांनी केली आहे.
नगरसेवक कुडे यांनी याबाबत नगराध्यक्षा अबोली ढोरे आणि मुख्याधिकारी डॉ. प्रवीण निकम यांना निवेदन दिले आहे. निवेदनात म्हटले आहे की,शाळांना लागलेल्या सुट्टीमुळे अनेक विद्यार्थी व लहान मुले क्रीडांगणाचा शोध घेत खेळण्यासाठी उद्यानामध्ये जात असतात. त्या अनुषंगाने वडगाव नगरपंचायत हद्दीतील सर्व प्रभागामधील उद्याने सुसज्ज स्थितीमध्ये ठेवावीत, जेणेकरून येणाऱ्या बालकांला एखाद्या बिघडलेल्या खेळण्याचे साहित्याने दुखापत होणार नाही.
यासाठी नगरपंचायत प्रशासनाने एक स्वतंत्र पथक नेमावे व या पथकाच्या माध्यमातून उद्यानाची दुरुस्ती व देखभाल करावी तसेच उद्यानामध्ये असणाऱ्या झाडांना नियमित पाणी घालून निसर्गाचे सुद्धा संगोपन करावे, अशी मागणी करण्यात आली आहे.
वडगावमधील प्रत्येक प्रभागातील उद्याने ही नागरिकांसाठी विश्रांती आणि मुलांसाठी खेळण्याचे महत्त्वाचे ठिकाण आहे. त्यामुळे उद्याने स्वच्छ, सुरक्षित आणि आकर्षक ठेवण्याची जबाबदारी प्रशासनाने प्राधान्याने पार पाडावी, अशी अपेक्षाही व्यक्त होत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– कामशेत पोलिसांची कारवाई ! एमडी (मेफेड्रोन) तस्करी करणारे २ आरोपी जेरबंद, २५ लाख २० हजारांचा मुद्देमाल जप्त
– संतापजनक घटना ! पोटच्या मुलीवर अत्याचार करणाऱ्या नराधम पित्यावर लोणावळ्यात गुन्हा दाखल
– देहूरोड आयुध निर्माणी फॅक्टरी परिसरात बिबट्याचा वावर… नागरिकांना सतर्कतेचे आवाहन
– राजीनाम्यांची खात्री न करता बरखास्तीचे आदेश… मावळ कृषी उत्पन्न बाजार समितीवरील प्रशासक नियुक्तीला स्थगिती
