Dainik Maval News : धामणे गावात 18 एप्रिल 2025 रोजी पहाटे दोनच्या सुमारास पोस्टर फाडल्याच्या कारणावरून तीन जणांनी मिळून एका व्यक्तीस शिवीगाळ करत जबर मारहाण केली. याप्रकरणी शिरगाव पोलीस ठाण्यात तिन्ही आरोपींविरुद्ध गुन्हा दाखल करण्यात आला आहे.
- संदीप गोरक्षनाथ गराडे (वय 46, व्यवसायिक, रा. धामणे, ता. मावळ, जि. पुणे) यांनी दिलेल्या फिर्यादीनुसार, फिर्यादी हे अविनाश गराडे, सुनील गराडे व रोहिदास गराडे यांच्यासह जेवणासाठी मरीमाता मंदिराजवळ जात असताना रस्त्यात त्यांच्या विरोधातील लावलेले पोस्टर फाडले. यावेळी ते काहीतरी ओरडल्यामुळे परिसरातील पाटील हरिभाऊ गराडे, सौमेश पाटील गराडे आणि महेश नारायण गराडे (सर्व रा. धामणे) हे तिघे संतप्त झाले.
या रागातून तिघांनी संदीप गराडे यांना शिवीगाळ करत दमदाटी केली. यावेळी आरोपी सौमेश पाटील गराडे याने दांडक्याने त्यांच्या डाव्या डोळ्याच्या वर मारहाण करून गंभीर जखम केली. घटनेनंतर आरोपी फरार झाले असून, अद्याप अटक करण्यात आलेली नाही. याप्रकरणी गुन्हा दाखल करण्यात आला आहे. या घटनेचा तपास पोलीस उपनिरीक्षक बेंद्रे करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आमदार शेळके, सहकारमहर्षी दाभाडे यांच्या उपस्थितीत जिल्हा परिषद माळवाडी शाळेच्या नवीन वर्गखोल्यांचे उद्घाटन
– मावळातील सर्व शासकीय व धर्मादाय रुग्णालयांमध्ये शासनाच्या योजनांची माहिती देणारे फलक लावावेत ; तहसीलदारांना निवेदन
– लोणावळ्यातील श्रोत्यांसाठी व्याख्यानांची पर्वणी ; 21 एप्रिलपासून शहरात वसंत व्याख्यानमालेचे आयोजन । Lonavala News
