आमदार सुनिल शेळके यांनी शनिवारी (दि. 3 फेब्रुवारी) वडगाव मावळ येथील शासकीय विश्रामगृहात पत्रकार परिषद घेतली होती, त्यावेळी त्यांनी येत्या दहा फेब्रुवारी अर्थात उद्या शनिवारी पवना धरण पाणी बंद आंदोलनाची हाक दिली होती. गेले कित्येक वर्षांपासून पवना धरणग्रस्तांचा जमीन वाटपाचा प्रश्न प्रलंबित आहे. तो प्रश्न मार्गी लावण्यासाठी आरपारची लढाई, या अर्थाने आमदार शेळके यांनी शनिवार, 10 फेब्रुवारीपासून पवना धरण पाणी बंद आंदोलनाचा इशारा दिला होता. परंतू आता ते आंदोलन काही काळासाठी स्थगित करत असल्याचे आमदार सुनिल शेळके यांनी प्रसिद्धी पत्रकाद्वारे मावळवासियांना कळवले आहे. तसेच या पत्रात त्यांनी आंदोलन स्थगित करण्याचे कारण आणि पुढील दिशा देखील स्पष्ट केली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पवना धरण बंद आंदोलन 10 दिवसांसाठी स्थगित –
‘पवना प्रकल्पग्रस्तांच्या प्रलंबित मागण्या तातडीने मार्गी लावण्यासाठी सर्व प्रकल्पग्रस्तांसह शनिवार दिनांक 10 फेब्रुवारी 2024 रोजी पाणी बंद आंदोलन करण्यात येणार होते. परंतु आज, शुक्रवार दिनांक 09 फेब्रुवारी 2024 रोजी वडगाव येथे प्रशासकीय अधिकाऱ्यांनी भेट घेऊन मागील 8 दिवसांपासून जिल्हास्तरीय सर्व प्रशासकीय अधिकारी निवडणुक आयोगाच्या प्रशिक्षणात व्यस्त असल्याची माहिती दिली. त्यामुळे सदर बाबतीत कार्यवाही करणे शक्य झाले नसून येत्या 8 दिवसात तातडीने कार्यवाही करण्याबाबत सकारात्मक आश्‍वासन दिले आहे. तसेच पुणे जिल्ह्याचे नवीन जिल्हाधिकारी यांनीहो 8 दिवसांची मुदत मिळण्याची विनंती केल्याने शनिवार दिनांक 10 फेब्रुवारी 2024 रोजी करण्यात येणारे पाणी बंद आंदोलन पुढील 10 दिवसांकरीता स्थगित करण्यात आले आहे. प्रशासनाने दिलेल्या आश्वासनानुसार येत्या 8 दिवसात सकारात्मक कार्यवाही न झाल्यास सर्व प्रकल्पग्रस्तांच्या विचाराने उचित निर्णय घेण्यात येईल’, असे आमदार सुनिल शेळके यांनी प्रसिद्धी पत्रकाद्वारे कळवले आहे. (Pavana Dam Water Shutdown Movement Suspended For 10 Days Said MLA Sunil Shelke Maval News)
अधिक वाचा –
– श्रीक्षेत्र भंडारा डोंगर येथे गाथा पारायण सोहळा आणि अखंड हरिनाम सप्ताहाचे आयोजन; पाहा संपूर्ण नियोजन
– ‘दुर्घटनेशी आमचा संबंध नाही’, आळंदीजवळील सोळू गावातील अग्नीतांडवाबाबत महावितरणचे स्पष्टीकरण, वाचा । Pune News
– मावळात ‘शासन आपल्या दारी’ उपक्रमाला नागरिकांचा विक्रमी प्रतिसाद! 4 दिवसात 7 हजार लाभार्थी, आमदार शेळकेंचे ग्राउंडवर काम
