Dainik Maval News : तळेगाव दाभाडे नगरपरिषद हद्दीमध्ये रहिवासी असलेल्या दिव्यांग लाभार्थ्यांना बेरोजगारी भत्यापोटी नगर परिषदेच्या एकूण उत्पन्नातून बांधील खर्च वजा जाता राहिलेल्या निव्वळ उत्पन्नाच्या पाच टक्के निधी राखीव ठेवला जातो. त्यासाठी 40 टक्के पेक्षा जास्त दिव्यांगत्व असलेल्या दिव्यांग लाभार्थ्यांची नोंदणी दिनांक 31 डिसेंबर पर्यंत होणार आहे.
मुख्याधिकारी विजयकुमार सरनाईक व उपमुख्याधिकारी ममता राठोड यांनी प्रसिद्धी पत्रकाद्वारे हि माहिती दिली. तळेगाव दाभाडे नगरपरिषद हद्दीमध्ये रहिवासी असलेल्या एकूण 400 दिव्यांग व्यक्तीची नोंद झाली आहे.
दिव्यांग लाभार्थ्यांच्या हयातीची तसेच सद्यस्थितीमध्ये सदर दिव्यांग लाभार्थी तळेगाव शहरांमध्ये राहत असल्याबाबतची माहिती घेण्याच्या दृष्टीने व शहरातील नवीन लाभार्थ्यांच्या नोंदणीसाठी तळेगाव दाभाडे हद्दीतील दिव्यांग लाभार्थ्यांनी दिनांक ३१ डिसेंबर नोंदणी करायची आहे. त्यात दिव्यांगाचे प्रमाणपत्र, तळेगाव दाभाडे नगर परिषद हद्दीतील निवासी असलेल्या आधार कार्ड, मतदान ओळखपत्र, रेशन कार्डची झेरॉक्स, बँकेच्या पासबुकची झेरॉक्स व एक पासपोर्ट साईज फोटो घेऊन कार्यालयीन कामकाजाचे वेळेत यावे, असे आवाहन करण्यात आले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– कोणतेही खाते दिले तरीही मी जनतेला न्याय मिळवून देईन – आमदार सुनिल शेळके । MLA Sunil Shelke
– अल्पवयीन मुलीवर अत्याचार प्रकरणात तरुणाला 20 वर्षांची सक्तमजुरी ; वडगाव मावळ कोर्टाचा निर्णय । Maval Crime
– पराजय स्वीकारायचा असतो आणि विजय झाला तर हुरळून जायचे नसते – बापूसाहेब भेगडे । Bapu Bhegade
