Dainik Maval News : गांजा विक्री आणि जवळ बाळगल्याप्रकरणी एक ५६ वर्षीय व्यक्तीला पोलिसांनी ताब्यात घेतले आहे. दत्ता सोपान बधाले (वय ५६ वर्षे, रा. बधलवाडी नवलाख उंब्रे ता. मावळ जि. पुणे ) असे अटक केलेल्या व्यक्तीचे नाव आहे. त्याच्यावर तळेगाव एमआयडीसी पोलीस ठाण्यात एन. डी. पी. एस. अॅक्ट कलम ८ ( क ) २० ( ब ) (11) (अ) प्रमाणे गुन्हा दाखल करण्यात आला आहे.
दिनांक २३ एप्रिल रोजी रात्री आठ वाजताच्या सुमारास तळेगाव एमआयडीसी पोलीस स्टेशन हद्दीतील नवलाख उंब्रे ते बधलवाडी रोड ला मुक्ताई मंदीराच्या बाजुला ही कारवाई करण्यात आली. पोलीस कॉन्स्टेबल भिमराव बाबासो खिलारे (नेमणुक तळेगाव एमआयडीसी पोलीस स्टेशन) यांनी याप्रकरणी फिर्याद दिली आहे.
पोलिसांनी दिलेल्या माहितीनुसार, आरोपीने त्याच्या ताब्यात २१,१०० रुपये किंमतीचा ४२६ ग्रॅम वजनाचा गांजा अंमली पदार्थ व रोख रक्कम असा माल अनाधिकाराने बेकायदेशीररित्या विक्री करीता कब्जात बाळगताना मिळुन आला आहे. त्याच्याकडे मिळुन आलेला गांजा हा त्याने कोणाकडून आणला याबाबत चौकशी केली असता त्याबाबत कोणतीही माहिती देत नसल्याचे फिर्यादीत नमूद आहे. पुढील तपास पोउपनि जगदाळे हे करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– वडगाव नगरपंचायतमधील केशवनगर परिसरातील विविध रस्ते विकासकामांचा भूमिपूजन समारंभ संपन्न
– तळेगाव दाभाडे येथील इंद्रायणी महाविद्यालयात अनोख्या पद्धतीने जागतिक पुस्तक दिवस साजरा
– सभापती बदलताच मावळ तालुका खरेदी विक्री संघ अॅक्शन मोडवर ; थेट सहकार मंत्र्यांची भेट घेऊन केली मोठी मागणी
– लोणावळा शहरात ‘व्हिला’ ‘बंगलो’ बुकींगचा स्कॅम ? पर्यटकांची फसवणूक होत असल्याने प्रशासनाकडून कारवाईची अपेक्षा
