भाजपा पवन मावळ मंडळाची शिवणे येथे संघटनात्मक आढावा बैठक संपन्न

Dainik Maval News : भारतीय जनता पार्टी पवन मावळ मंडळाच्या वतीने शिवणे येथे संघटनात्मक आढावा बैठक उत्साहात पार पडली. आगामी स्थानिक स्वराज्य संस्था निवडणुका, पक्ष संघटन बळकटीकरण तसेच विशेष मतदार यादी पुनरीक्षण (SIR) अभियानाच्या अनुषंगाने कार्यकर्ते, पदाधिकारी, BLA-2 व बूथ प्रमुखांना मार्गदर्शन करण्यात आले.

बैठकीस प्रमुख मार्गदर्शक म्हणून गणेश भेगडे (माजी किसान मोर्चा प्रदेशाध्यक्ष, भाजप), मा. सभापती गुलाबराव म्हाळस्कर (SIR BLA- 1 प्रमुख), प्रशांत ढोरे (माजी जिल्हा परिषद सदस्य), सायली बोत्रे (महिला मोर्चा जिल्हाध्यक्ष), गणेश धणीवले (माजी जिल्हा परिषद सदस्य), रामदास गाडे (पवन मावळ मंडळ प्रभारी), दत्तात्रय माळी (पवन मावळ मंडळ अध्यक्ष), सुमित्रा जाधव (माजी जिल्हा परिषद सदस्या), कल्याणी ठाकर (माजी उपसभापती, पंचायत समिती मावळ), प्रकाश नागरगोजे (प्रदेश कार्यालय नियुक्त SIR तालुका समन्वयक) तसेच अनिकेत म्हाळस्कर (भाजप प्रचारक) उपस्थित होते.

याशिवाय पवन मावळ मंडळातील विविध आघाड्यांचे पदाधिकारी, शक्तीकेंद्र प्रमुख, बूथ प्रमुख, BLA-2 आणि मोठ्या संख्येने कार्यकर्ते उपस्थित होते. बैठकीचे सूत्रसंचालन दत्तात्रय माळी यांनी केले. आगामी काळात पक्ष संघटन अधिक मजबूत करण्यासाठी प्रत्येक कार्यकर्त्याने सक्रियपणे काम करण्याचे त्यांनी आवाहन केले.

यावेळी गणेश भेगडे यांनी पक्षाची संघटनात्मक बांधणी, कार्यकर्त्यांची भूमिका आणि SIR अभियानाचे महत्त्व विषद केले. त्यांनी प्रत्येक बूथवर प्रभावी नियोजन करून पक्षाची ताकद वाढविण्यावर भर दिला. SIR प्रमुख गुलाबराव म्हाळस्कर यांनी विशेष मतदार यादी पुनरीक्षण मोहिमेची सविस्तर माहिती देत नियोजित कार्यक्रम व तारखांबाबत मार्गदर्शन केले.

प्रदेश कार्यालय नियुक्त SIR तालुका समन्वयक प्रकाश नागरगोजे यांनी SIR संदर्भातील विविध बाबींचे सखोल विवेचन केले. तसेच मतदार मॅपिंग प्रक्रिया कशी केली जाते याचे पक्षाच्या अधिकृत अॅपद्वारे प्रात्यक्षिक करून दाखविले. अनिकेत म्हाळस्कर यांनी आसाम व पश्चिम बंगालमधील SIR अभियानाचे अनुभव सांगत कार्यकर्त्यांना प्रभावी कामकाजासाठी मार्गदर्शन केले.

पक्षीय रणनीती, संघटन मजबुतीकरण, बूथ सक्षमीकरण आणि SIR अभियानाचे महत्त्व याविषयी सखोल चर्चा होऊन बैठक यशस्वीरीत्या पार पडली. कार्यक्रमाचे आभार प्रदर्शन भाऊसाहेब कराळे यांनी केले.

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– Pawana Dam Update : पवना धरणातील पाणीसाठ्यात झपाट्याने घट; केवळ २१ टक्के पाणीसाठा शिल्लक
– पुणे ग्रामीण पोलीस दलात मोठी खांदेपालट ; ३० पोलीस निरीक्षकांच्या बदल्या जाहीर
– तळेगाव एमआयडीसीमध्ये भीषण दुर्घटना! नवलाख उंब्रे जवळील कंपनीत गॅस गळतीमुळे दोन कामगारांचा मृत्यू, तिघांची प्रकृती गंभीर
– मावळातील औद्योगिक पट्ट्याला मिळणार मोठी चालना; तळेगाव परिसरात नवीन रेल्वे मालधक्का उभारण्याचे नियोजन