वडगाव : भारतीय जनता पार्टी विद्यार्थी आघाडी मावळ तालुका यांच्या वतीने “द केरळा स्टोरी” हा चित्रपट टॅक्स फ्री व्हावा यासाठी मावळचे तहसीलदार विक्रम देशमुख यांना निवेदन देण्यात आले.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
“द केराला स्टोरी चित्रपट संपूर्ण देशामध्ये प्रदर्शित झाला असून केरळ राज्यामध्ये जवळजवळ 32000 मुली ह्या लवजिहाद यांच्या जाळ्यात अडकून त्या परदेशी आतंकी संघटनांमध्ये जबरदस्तीने जोडल्या गेल्या आहेत. अशा घटना देशांमध्ये रोज कितीतरी घडत आहेत. अशा घटना होऊ नये म्हणून सदर चित्रपटांमध्ये वास्तव्य चित्र दाखवण्यात आले आहे. चित्रपट पाहिल्यामुळे विद्यालियन तरुणीमध्ये जनजागृती होऊन त्या या लवजिहाद जाळ्यात अडकणार नाहीत. चित्रपट हा जनजागृती करणारा असून मध्य प्रदेश सरकारनेही ‘टॅक्स फ्री’ केला आहे त्याच धर्तीवर महाराष्ट्र शासनाने हा चित्रपट टॅक्स फ्री करावा” अशी मागणी भारतीय जनता पार्टी विद्यार्थी आघाडीच्या वतीने करण्यात आली.
तसेच माजी राज्यमंत्री बाळा भेगडे, जिल्हाध्यक्ष गणेश भेगडे, प्रभारी भास्कर आप्पा म्हाळस्कर, तालुकाध्यक्ष रविंद्र भेगडे यांच्या मार्गदर्शनाखाली तहसीलदार यांच्या मार्फत मुख्यमंत्री एकनाथ शिंदे, उपमुख्यमंत्री देवेंद्र फडणवीस यांना निवेदन देण्यात आले.
यावेळी तालुकाध्यक्ष अभिमन्यू शिंदे, शिवसेना युवा प्रमुख दत्ता केदारी, दिव्यांग आघाडी अध्यक्ष विकास लिंबोरे ,प मा अध्यक्ष प्रशांत लगड, अं. मा. अध्यक्ष विठ्ठल तुर्डे, उपाध्यक्ष धामणकर, उपाध्यक्ष अक्षय म्हस्के, सरचिटणीस कृष्णा ठाकर ,सोशल मीडिया उपाध्यक्ष विकास घारे, प्रणव नेवाळे, विकी म्हाळस्कर तसेच जेष्ठ पदाधिकारी गणेश भांगरे, बाळासाहेब जाधव, विनायक भेगडे आदी पदाधिकारी उपस्थित होते.
अधिक वाचा –
– गौतमी पाटील आक्षेपार्ह व्हिडिओ व्हायरल प्रकरण; एकाला जामीन मंजूर, ॲड सुरज शिंदे यांचा युक्तीवाद
– ‘उमेदवार कुठल्या पक्षाचा का असेना तो मराठी असायला हवा…’, राज ठाकरेंचे मतदारांना आवाहन
